Azken ordua
Ane Oyarbide, Ekonomia eta Tokiko Enpleguko zinegotzia: “Arkoak eraikinak presentzia berreskuratzen du plazan, eta bere ondare balioarekin irudi zainduagoa eta koherenteagoa eskaintzen du. Gainera, merkatuaren beraren irudi historikoen lagin bat erakutsiko du”. Bretxa konplexuaren eraberritzea urrats nabarmenak ematen ari da. Gaur aurkeztu da Arkoak eraikinaren fatxada berria, azoka historikoaren eraldaketa prozesuaren mugarri ikusgarria, eta aurrerapauso argia Donostia Sustapenak 2024ko irailean abiarazi zuen kudeaketa integralaren esparruan.
Donostiako Gabonak bihar inauguratuko dira argien piztuerarekin. Ekonomia eta Tokiko Enpleguko zinegotzigoak antolatuta, Donostia Sustapenaren bidez, 19.30ean hasiko den inaugurazioa Alderdiederren egingo da, eta 19:30ean hasiko da, Izaroren kontzertu batekin. Izarok bere “Gabonetan” laneko hainbat kanta abestuko ditu. Ondoren, Kontxako pasealekutik, “Donostia Ametsetan” show-az gozatuko dugu 500 dronekin, eta, azkenik, Iñaki Gabilondok, Radio San Sebastián-en mendeurrenean, Gabonak argiztatzeko botoia sakatuko du.
Enpresa berritzaile gazteentzako saria jaso duen Surphasek ura modu jasangarri eta efizienteagoan erabiltzeko soluziobide teknologikoak bultzatzen ditu. Enpresa berritzaile finkatu gisa aintzatetsitako iLine Microsystem in vitro diagnostikoari egindako ekarpenagatik eta nazioarteko osasun arloan duen eraginagatik nabarmendu da. Aurten, EHUko Kimika Fakultateak jaso du Aintzatespen Berezia, zientziari egindako ekarpenagatik eta hiriko ikerketa ekosistemaren garapenean funtsezko zeregina betetzeagatik.
Hiriaren historia errepasatzen duen “Donostia Ametsetan” drone ikuskizunak eta Izaroren emanaldiak osatuko dute Gabonetako piztearekin amaituko den inaugurazioa, Iñaki Gabilondoren eskutik. Familia osoari zuzendutako Miramar Magikoa ikuskizuna, Gabonetako Azoka tradizionaleko izotz pista edo Donostiako Orfeoiaren kontzertu hirukoitza izango duen “Gabonetan Musika” zikloa dira Donostiako Gabonetarako zenbait aukera.Aurtengo Gabonetako kanpainak indartu egingo du jasangarritasunarekiko, kalitatearekiko eta tokiko dinamizazioarekiko konpromisoa.
Donostia Sustapena sozietatea urtebetez aritu da kudeatzen, azokaren etapa berria sendotuko duten obrak, lizitazioak eta kontratuak abian jarrita. Obren lizitazioarekin ekingo zaio azoka behin betiko berritzeko azken faseari, eta datorren urteko udazkenean irekiko dira azoka berriaren ateak. Bretxak bere suspertze prozesuan aurrera jarraitzen du, Donostia Sustapenaren zuzeneko kudeaketari esker. Urtebete luzez emakidaren buru izan ondoren, udal erakundeak prozesu osoaren funtzionamendua sendotu du, errentariekin kontratuak negoziatuz, obra eta lizitazio berriak bultzatuz, eta jarduera komertziala, prestakuntza, berrikuntza eta gastronomia uztartuko dituen etorkizuneko Bretxako Azoka Berriaren oinarriak ezarriz, espazioaren izaera publiko eta soziala azpimarratzearekin batera.
WeekINN Berrikuntzaren XII. asteko hitzordu nagusiak izango dira FOMOINN Jaialdia, AA hobeto ulertzeko jardunaldi irekia, eta Zientziaren eta talentuaren aldeko apustua egiten duten Hirien Nazioarteko Biltzarra. Berrikuntzaren Asteak berriz ere lotura guneak sortuko ditu herritarren eta hiriko I+G+b eragileen artean, zientzia eta berrikuntza gizartera hurbiltzeko. Tokiko Ekonomia eta Enplegu zinegotzigoak antolatzen du Berrikuntzaren XII. astea, Donostia WeekINN, Donostia Sustapenaren bitartez eta zientziaren eta berrikuntzaren tokiko ekosistemako zenbait eragilerekin lankidetzan, eta hilaren 15etik 21era izango da. Orain arteko 11 edizioetan parte- hartze handia izan du, eta 400 jardueratik gora antolatu ditu hiriko hainbat eremutan, Estatuko eta nazioarteko hainbat erakunderekin lankidetzan. Aurten ere, lankidetza hori funtsezkoa izango da.