Azken ordua
Lehen urtean, Ekintzaileei Arreta Emateko Bulegoaren bitartez 229 proiektu berritzaile babestu dira. Ekintzaileatzaren ekosistemako eragileentzako plataforma bihurtu da EKINN. Lankidetzari esker, EKINN nodoa lehen urtean eraikinetik igarotako 5500 pertsona baino gehiagorentzako topalekua izan da.
FLL Euskadi gazteen artean bokazio zientifiko-teknologikoak modu praktiko eta dibertigarrian sustatzeko hezkuntza-programa bat da, benetako arazoei erantzuna emanez. Ekimena mundu osoan egiten da, eta Deustuko Unibertsitateak, Mondragon Unibertsitateak eta UPV/EHUk antolatzen dute Euskadin, Innobasque Berrikuntzaren Euskal Agentziarekin batera, eta Eusko Jaurlaritzako Hezkuntza Sailaren eta Zientzia, Unibertsitate eta Berrikuntza Sailaren eta Arabako, Bizkaiko eta Gipuzkoako foru-aldundien lankidetza du.
Donostiako hamar ikastetxetako 350 ikaslek hartu dute parte zortzigarren edizio honetan, eta hiria hobetzeko irtenbide berritzaileak garatu dituzte. Ane Oyarbide: “Gure lehentasunetako bat da Donostiako gazteriarekin konexio- guneak sortzea haien garapen profesionalean laguntzeko, eta horri esker, hiriko erronken aurrean konponbideak identifikatzen ere esku har dezakete”. Finala gaur izan da Kursaalean, alegia, Neska eta Emakume Zientzialarien Nazioarteko Egunean. Bertan izan dira talde parte-hartzaile guztiak.
Aldaketaren motorra den berrikuntzaren aldeko apustu irmoaren esparruan, Donostia Sustapenak Hiri Erronkak Ebazteko Ideien Lehiaketa aurkeztu du. Tokiko berrikuntza ekosistemari zuzendutako ekimen berri horrek hiriko erronkei aurre egiteko irtenbide berritzaileak identifikatu eta garatzea ditu helburu
Lehen asteburuko Inaugurazioak eta Drone Show Jaialdiak guztizko zenbatekoan 1,9M€ suposatu dute, nagusiki ostalaritzan eta merkataritzan kontsumoa areagotu zuten pertsonak erakartzeari esker. Udalak Donostia Sustapenaren bidez egindako Gabonetako Kanpainaren programazioak, kultura, elkartasuna, berrikuntza, kirola edo gazteenentzako ekintzak bultzatzea bezalako balioen alde egiten duenak, berresten du kanpainak pertsonak erakartzeko eta donostiarraren egutegi mentalean errotzeko giro eta testuinguru aproposa sortzen duela.
Tokiko Ekonomia eta Enpleguko Zinegotzigoak, Donostia Sustapenaren bitartez, hiriko sektore estrategikoetako batekin —aisialdi turistiko eta gastronomikoaren sektorearekin— duen konpromisoa bultzatuko du, 150.000 euroko dirulaguntzak banatuz eta proiektu ekintzaile eta berritzaileei zuzendutako aholkularitza-zerbitzu berri bat eskainiz. Sozietatearen Barometroaren arabera, 2023an sektore honek 9.026 enplegu sortu zituen (hiriko enplegu osoaren % 9,1) eta tokiko BPGaren % 6 suposatu zuen; beraz, hiri-ekonomian duen inpaktuagatik eta ekarpenagatik., garbi dago funtsezkoa dela.