Azken ordua
Laguntza honen helburua, 300.000 euro guztira, lehiakortasuna mantentzen laguntzea da, gero eta globalizatuagoa dagoen egoera batean, digitalizazioa eta iraunkortasuna funtsezko elementutzat hartuta. Proiektu bakoitzeko dirulaguntzaren gehieneko zenbatekoa 20.000 eurokoa izango da, eta laguntzaren intentsitatea diruz lagundu daitezkeen gastuen % 70 izango da, eta % 10 gehiago enpresa txikien edo mikroenpresen kasuan.
30 urtetik beherako bi pertsona hautatuek aukera izango dute Urban Future Foroko Young Leaders ekitaldian parte hartzeko, Rotterdamen, ekainaren 4tik 7ra bitartean. Young Leaders programaren helburua gazte talentudunei hirian eragina duten proposamen berritzaile iraunkorrak garatzen laguntzea da. Donostia Sustapenak, Urban Future erakundearekin lankidetzan, sustatutako Young Leaders San Sebastian programak hiria eraldatzeko ideia berritzaile eta jasangarriak planteatzen dituzten talentua duten gazte donostiarrak identifikatzea du helburu.
Abalen Funtsaren programaren esparruan egindako 6 eragiketek ia 90.000 €-ko laguntza izan dute, batez beste. Funtsaren bidez finantzatutako proiektuen % 50 emakumeek lideratuak dira. Donostia Sustapenaren bitartez Tokiko Ekonomia eta Enplegu zinegotziaren eta Elkargiren arteko lankidetzari esker abian jarritako Abalen Funtsaren programak sei eragiketa finantzatu ditu 2023an, batez beste 87.600 euroko laguntzarekin eragiketa bakoitzeko. Iazko batez besteko lagun- tzarekin alderatuta, kopuru horrek % 20,3ko igoera ekarri du. Finantzatutako proiektuek Osasun Sektorea, IKTak eta 4.0 industria izan dituzte jomuga. Gainera, 2023an, finantzatutako eragiketen erdiak (% 50) emakumeek lideratu dituzte.
LALIGA FC Pro Cup apirilaren 6-7ko asteburuan jokatuko da. Ekitaldiak txapelketa honen jarraitzaileak bilduko ditu eta, gainera, doako jarduera ugariz gozatzeko aukera izango dute. Txapelketa honen historian lehen aldiz, Donostia hiria arduratuko da LALIGA FC Pro Cup txapelketari harrera egiteaz. Txapelketa Kursaaleko Kongreso Jauregian eta Auditorioan izango da, apirilaren 6an eta 7an, Penintsularen iparraldeko hiri hau txapelketaren koloreekin jantziko duen ekitaldi handi batean.
Marianela García, emakume ekintzailea; ViveBiotech, berrikuntza eta emakumezkoen talentua bultzatzen dituen enpresa, eta María Muñoz Cafarell, ikertzaile bikaina, izan ziren saria jaso zuten emakumeak. Eneko Goia: “Eredu zarete. Hiriaren oraina eta etorkizuna. Zalantzarik gabe, zuen adibideak enpresa asko emakumeen talentuaren alde egitea erakarriko du, eta emakume asko gure hirian ekintzaile izatearen aldeko apustua egitera animatuko ditu”. Marisol Garmendia: "Gizarte adimendun eta zuzenek emakumeen talentua batzen eta bultzatzen dute, gizarteek behar duten sormen ahalmenaren, berrikuntzaren eta jakintzaren % 50 emakumeei zor zaielako, bai eta gizartean garapena eta ongizatea sortzeko gaitasunaren erdia ere".
Gabonetako kanpainako emisioak 70 tCO2 izan ziren, hiri osoaren % 0,01, eta Donostiako Altza auzoko Tomasene inguruko Larres parkean zuhaitz autoktonoak landatuz konpentsatuko dira.Marisol Garmendia: “Zero emisioko Eguberriak behar dira klima-aldaketari aurre egiteko eta ingurumena eta pertsonen osasuna babesteko. Karbono-aztarna kalkulatzea eta Gabonetako Azokako isurketak konpentsatzea lehen urratsa da”. Jose Ignacio Asensio: “ekintza hau iraunkortasunarekiko dugun konpromisoaren adibide bat da, eta etorkizuneko belaunaldientzat gure ingurune hurbila babesteko eta zaintzeko dugun erantzukizun partekatuaren testigantza”.