Donostiako Gabonak bihar inauguratuko dira argien piztuerarekin eta Frantzia Pasealekuko eta Ramon Labayen Plazako Gabonetako Etxolen irekierarekin. Ekonomiako eta Bertako Enplegurako zinegotzigoak antolatua Donostia Sustapenaren bidez, inaugurazioa Santa Katalina zubiaren, Ramon Maria Liliren, Argentinako Errepublikaren eta Zurriolako zubiaren inguruetan izango da, eta 18:30etan hasiko da, ibaiaren gaineko flyboards ikuskizunari bidea irekiko dion Orfeoiaren kontzertu batekin. Gero, hiriko argiak piztuko dira eta “Equitativa” izkinatik su artifizialen bilduma bat jaurtiko da.

Gabonetako argiak piztu aurretik, ibai gaineko akrobazia-ikuskizun ederra, Donostiako Orfeoiaren emanaldia eta su artifizialak izango dira Donostiako Gabonen estreinaldian; aurten, ekitaldia abenduaren 1ean, ostirala, izango da, Santa Katalina zubian. Marisol Garmendia: "Gabonak donostiarrentzat ospakizun une gozo bat izatea nahi dugu, Gabonetako kanpainak hiriko merkataritzarako eta ekonomiarako duen garrantzia eta eragina azpimarratzea ahaztu gabe. Gabonetako mapan erreferente izaten jarraitzen dugu, batez ere herrialdearen iparraldean".

Ekintzailetza Berritzailearen Topaketa eta Enpresa Berritzailearen VIII. Sariak banatzeko Gala dira Donostia WeekInn - Berrikuntzaren X. Asteko bi hitzordu nagusiak, Kursaalen egitekoak biak. Ekitaldiaren leloari jarraituz, gure hiria ekintzailetzarantz eta berrikuntzarantz abiaturiko eSpedizio batean murgiltzea da ekimen honen helburua. Marisol Garmendia: "Donostiak zientzia- eta berrikuntza-hiri gisa duen lekua finkatzeko eta bultzatzen jarraitzeko, bokazio zientifiko tekniko berrietatik eta emakumeen talentua erabat txertatzetik bakarrik etorriko den bultzada behar- beharrezkoa da. Hazi nahi badugu, gazte eta emakume ekintzaileak behar ditugu."

Enpleguaren, prestakuntzaren eta ekintzailetzaren arloetan emakumeen eta gizonen arteko berdintasuna sustatzeko, Donostia Sustapenak urtero 2.000.000 euro baino gehiago bideratzen ditu. Marisol Garmendia: "Donostiak emakumeen talentua behar du aurrera egiten jarraitzeko. Aspegirekin sinatutako hitzarmenak aukera ematen digu enpresan emakumeen lidergoa bultzatzeko, belaunaldi berrientzako erreferenteak sortzeko eta desberdintasun-arrakalak gainditzeko, emakumeek hiriaren aurrerapenari egiten dioten ekarpena behar bezala baloratu dadin. 2022an, Donostia Sustapeneko programek 628 enplegu eta 106 enpresa-proiektu sortzea ahalbidetu dute ".

Donostiak 3.000 enplegu sortu zituen 2022an, eta 7,9rekin Estatu osoan langabezia-indizerik txikiena duen hiriburua da. Marisol Garmendia: "Pandemia gaindituta, Donostia gora egiten ari da eta kalitatezko enpleguarekin egiten du gora. BPGa % 8,1 igo da, eta 2021eko datuekin alderatuta 3.000 enplegu sortu dira, eta pandemia aurreko zenbakiak gainditu egin dira. Hiria erreferente bihurtu da zerbitzu aurreratuetan, zientzian eta teknologian; izan ere, eremu horiek udal BPGaren % 43 dira, 29.450 enplegu sortu dituzte eta enpresa guztien % 40 dira".

Programak merkataritzako ekimen ekintzaile berriak garatzen laguntzen du, prestakuntza, aholkularitza eta merkataritzako lokaletarako sarbidearekin. Marisol Garmendia: EkinDendak jauzi kualitatiboa da, lokaletarako sarbidea erraztuz, hori baita ekintzaile komertzialentzako oztopo nagusia.124.000 €-ko ekimena Next Funtsen bidez finantzatuko da, eta Sustapen Ministerioak 2022an milioi bat euro baino gehiago bideratu zituen ekimen-programetako bat da.