Donostia Sustapena Udal Sozietate Publikoak, Donostiako Udaleko Ekonomia Bultzatzeko Zinegotzigoaren mende dagoenak, kontingentzia plan bat jarri du abian, koronabirusaren krisia dela eta ezarritako alarma egoerak irauten duen bitartean, Donostia Sustapenak emango dituen zerbitzuak aldatzeko.Hala, Donostia Sustapenak hainbat neurri hartu ditu osasun, teknologia, administrazio, herritarren arreta eta antolakuntza esparruetan.

Hartutako neurrietako bat da jendeari arreta emateko aurrez aurreko zerbitzuaren ordez urrutiko arreta jartzea. Hauek izango dira urruneko arreta zerbitzua emateko bideak:

• Telefono bidez: 943 482800
• Mezu elektroniko bidez: fomentoss@donostia.eus

Ondorioz, itxi egin ditugu Donostia Sustapeneko bulegoak kanpoko erabiltzaileentzat. Beraz, bertako langile ez den inork ezingo du horietara sartu. Donostia Sustapeneko langileak gaituta daude sare korporatibora urrutitik sartzeko; beraz, telelan formatuan argi dira lanean.

Donostia Sustapenak ekitaldi zein hitzaldi guztiak bertan behera utzi ditu, baita bere langileen bidaia guztiak ere.Alarma egoerak irauten duen bitartean egongo da indarrean kontingentzia plan hau.