UBA aterpe-eskolak enplegua bilatzen lagunduko dizu, zeharkako prestakuntzari (trebetasun pertsonal eta sozialak garatzea, denbora kudeatzen ikastea, lan merkatua ezagutzea, gaitasun digitalak, etab.) eta aisialdi turistikoaren sektorean enplegua bilatzeko berariazko laguntzari esker.
HELBURU OROKORRA: Proiektu honen helburu nagusia enplegua aurkitzeko duzun gaitasuna areagotu eta aisialdi turistikoaren sektorean sartu zaitezen ahalbidetzea da. Horretarako, ohitura pertsonalak, trebetasun sozialak eta zeharkako oinarrizko gaitasunak garatzeko prestakuntza jasoko duzu, banakako zein taldekako dinamikak barne dituzten ibilbide pertsonalizatuen bidez. Beka bat kobratuko da.
- HASIERA: ekainak 30
- ORDUTEGIA: Goizez 9:30etik 13:30era
- NORK ESKA DEZAKE?
Lan merkatuan sartzeko zailtasunak dituzten langabeek, aisialdi turistikoaren eta gastronomiaren sektoreetarantz zuzendutako ibilbideak badituzte.
Lehentasuna emango zaie:
- Ostalaritzaren eremuko prestakuntza ibilbideren bat gauzatu duten eta sektorean lanik aurkitu ez duten pertsonei.
- Donostian erroldatutako pertsonei.
- Diru sarrerak bermatzeko errenta / bizitzeko gutxieneko diru sarrera jasotzen duten pertsonei.
- Luzaroko langabeei.
- Laneratze kontratu bat lortu dezaketen pertsonei.
- ZER ESKAINIKO DIZU PROIEKTU HONEK?
Orientazio ekintza positiboak eta trebetasun pertsonal, sozial eta oinarrizkoen garapena, enplegu bilaketan laguntzeko.
Hauen bitartez:
- Enplegurako zeharkako gaitasunen lantegia
- UBA aterpe-eskolaren enplegu poltsa
- Gaitasun digitalen lantegia
- Laguntza eta esku hartze indibiduala
- Prozesuan parte hartzen duten sektoreko enpresak
- Enplegu azokak bisitatzea
- Gune@, Interneten aukerak bilatzen ikasteko espazioa
- NZERTARAKO BALIO DU PROIEKTUAK?
Parte hartzaileek duten enplegua bilatzeko autonomia sustatzeko, eta enplegu aukerak bilatu eta kudeatzeko tresnak erabiltzen ikasteko.
Era berean, aisialdi turistikoaren eta gastronomiaren sektoreko udalerriko enpresei laguntzeko ere balio du, langile kualifikatu, motibatu eta behar adina prestatuak aurki ditzaten, sektoreko beharrei erantzuteko.
- ZEIN DA IZENA EMATEKO EPEA?
Maiatzaren 19tik aurrera eta taldeak bete arte.
