Donostia Sustapenaren Young Leaders San Sebastian programak gure hiria eraldatzeko ideia berritzaile eta iraunkorrak dituzten gazte donostiarrak identifikatu nahi ditu.
Zure ideiaren heldutasunean lagunduko dizugu, nazioarteko gazteekin konektatzeaz gain, pentsamendu kritikoa garatzen ikasiko dugu eta gure hirian arazoak konpontzeko beharrezkoak diren trebetasunak eta ezagutza garatuko ditugu.
Halaber, Rotterdameko Urban Future Congress-en kokatzen den Young Leaders Programme jaialdian Donostia antzezteko aukera emango dizu, ekainaren 4tik 7ra bitartean. Hiri jasangarrien Europako topaketa handienak gure hiriak hobetzeko erronkari heltzen dio.
Zure garapen pertsonal eta profesionalean aurrera egiteko aukera paregabea!
- NOREN BILA GABILTZA?
Kezkak badituzu, hiria eraldatzen lagundu nahi baduzu, nazioarteko beste esperientzia batzuk ezagutu nahi badituzu, mundu mailan ezagunak diren adituengandik ikasi nahi baduzu, edo esperientzia berriak bizi nahi badituzu, jarraitu irakurtzen.
30 urte baino gutxiago badituzu, unibertsitateko edo lanbide-heziketako ikasketak egiten ari bazara, eta Donostiarekin nolabaiteko lotura baduzu, zure ideiak entzun nahi ditugu!
- ZER DOKUMENTAZIO AURKEZTU BEHAR DUZU?
- Eskaera eranskina
- Memoria eranskina
- Proposamenaren garapena (gehienez ere, 3 orrialde)
- Eskatzailearen curriculuma
- Motibazio gutuna ingelesez (gehienez ere, orrialde bat)
- NAN edo AIZren fotokopia, alde bietakoa.
- Donostiarekiko lotura egiaztatzen duen dokumentua (errolda ziurtagiria, unibertsitate titulua edo baliokidea).
- Ingeles maila egiaztatzen duen ziurtagiria.
- ZER PROPOSAMEN AURKEZ DEZAKEZU?
Proposamenek egungo problematika bat identifikatu behar dute, prospekzioa eta alternatiben azterketa planteatu, hirian eragin positiboa izango duena eta biztanleen ongizatea hobetuko duena.
Ekimen berritzaileak planteatu behar dituzu, hiria gazteen ikuspegitik eraldatzea helburu dutenak, berrikuntza, iraunkortasun eta kohesio irizpideei jarraituz.
Zein erronkari heldu diezaiokezu? Adibide batzuk proposatzen dizkizugu: gizarte-kohesioa, digitalizazioa, jasangarritasuna, energia-eraginkortasuna, enplegua, etxebizitza eskuratzea, etab.
- ZER DAGO PROGRAMAREN BARNE?
- Gastu guztiak barne direla, Rotterdamen ekainaren 4an egingo den Young Leaders Programme 2024 programan parte hartzea. (https://urban-future.org/event/uf24-rotterdam-launch/young-leaders/)
- Gastu gustiak barne direla, Rotterdamen ekainaren 5etik 7ra egingo den Urban Future 2024 kongresurako sarbidea, (https://urban-future.org/event/uf24-rotterdam-launch/programme-uf24/)
- Pertsonaren garapenean eta lan-prozesuan lagun egitea ondorengo zerbitzuekin:
- Donostia Sustapenaren banakako orientazioa eta aholkularitza
- EKINNen ostatu hartzeko aukera, “Talent Egoitza” programaren barruan
- Donostia Sustapenaren prestakuntza- eta azelerazio-programetan parte hartzeko lehentasunezko sarbidea.
- ZEIN DIRA EPEAK?
Eskaerak aurkezteko epea 2024ko martxoaren 22an hasiko da eta 2024ko apirilaren 15ean bukatuko da.
Eskaera, eskatutako dokumentazio guztia Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera bidalita egingo da.