EKINN+ programa 2024

Proiektu berritzaile bat sortzeko eta finkatzeko laguntza bilatzen baduzu, hori lortzen lagunduko dizugu.

Ekinn+ 10 hilabeteko programa bat da, zure ideia berritzailea balora dezazun eta zure proiektua abian jar edo azelera dezazun. Programa honen bidez, aholkularitza, laguntza ekonomikoa,* etxebizitza eskuratzea, finantzaketarako laguntza jasoko duzu, eta programatik igaro diren enpresen komunitatean sartuko zara, eta sortzen diren topaguneetan parte hartu ahal izango duzu.

* Aukera duzu Ekinnen ostatu hartzeko, Donostiako gazteentzako Ekinn Egoitzak programari esker. Programa horretan, alokairuaren hobaria ematen dugu, eta gehienez bi urteko egonaldia egiten duzu zure ibilbide profesionala garatzen jarrai dezazun. Hemen aurkituko duzu informazio guztia.

• NORK HAR DEZAKE PARTE EKINN+EN?
  • Enpresa-proiektu berritzaile eta/edo oinarri teknologikoko bat duten ekintzaileak, eskabidea aurkeztu ondoren Donostian eratuko direnak.
  • Donostian kokatutako enpresa berritzaileak eta/edo oinarri teknologikokoak, sortu berriak, enpresa-proiektu berritzaile batekin eta gehienez 5 urteko antzinatasunarekin. Sektore jakin batzuetan, hala nola bioosasunean, 7 urtera arteko antzinatasuna ezarri ahal izango da.
  • Enpresa txikiak, I+Gko produktu/teknologia intentsiboen dibertsifikazio-prozesuen esparruan enpresa-proiektu bati ekiten diotenak (barne-ekintzailetza).
  • Ezagutza sortzeko agenteen spin offs-ak (ikerketa-zentroak, teknologia-zentroak, unibertsitateak, etab.), garatutako aktibo teknologikoak transferitzeko eta merkatura iristeko.
• ZER ESKAINTZEN DIT PROGRAMAK?

  Ekin + programa laguntza-tresna integral gisa aurkezten da, eta honako ildo hauek biltzen ditu:

  • Ekin + aholkularitza: aditu-laguntza eta laguntza-zerbitzu osagarriak, 10 hilabetekoak, 4 trinkoak eta 6 jarraipenekoak. Ekinn+Osasuna gisa hautatutako proiektuen kasuan, gainera, berrikuntza sanitarioaren arloko mentoring espezializatua izango dute, IIS Biogipuzkoaren eskutik.
  • Prestasun-laguntza: Ekin + aholkularitza-fasean ezarritako helburuak lortzeko behar den dedikazioa ahalbidetzera bideratutako laguntza ekonomikoa.
  • Ekin + laguntza: enpresa-proiektuen azelerazioan eragina duten gastuak ordaintzeko laguntza ekonomikoa.
  • Lan-espazioetarako sarbidea: Donostiako Sustapenaren eraikin eta enpresa-zentroetan.
  • Elkargi Abal Fondorako sarbidea.
  • Ostatua/etxebizitza eskuratzea: Donostiako Sustapenak dituen eraikinetan, eta Donostiako gazteentzako Ekinn Egoitzak programan ezarritako baldintzak betez.
  • Ekin+ komunitatean sartzea.
  • Proiektua proiektu berritzaile gisa baliozkotzea, 1. kapituluko Enpresa-proiektu berritzaileen hazkundea laguntza-programarako deialdiaren urtean. Ekinn Talent eta 3. kapitulua Bonu teknologikoak.
• ZEIN DA LAGUNTZA EKONOMIKOAREN ZENBATEKOA ETA ZEIN GASTU LAGUNTZEN DIRA DIRUZ?

  Programak 2 laguntza-mota aurreikusten ditu:

  Prestasunerako laguntza. 5.000 €-ko laguntza ekonomikoa, Ekin + aholkularitza-fasean ezarritako helburuak lortzeko behar den dedikazioa ahalbidetzeko.

  Ekin + laguntza: Laguntzaren gehieneko zenbatekoa 20.000 €-koa izango da, eta dirulaguntzaren kontzeptu bakoitzeko gehieneko zenbateko bat egongo da, jarraian adierazten den moduan:

  • 2.1. FINANTZAKETA ESKURATZEA, gehienez 10.000 €-ko laguntza eta % 70eko dirulaguntza.
  • 2.2 BERRIKUNTZA PRODUKTUAN EDO ZERBITZUAN: lehen produktua edo produktu berri bat garatzea: gehienez 15.000 €-ko laguntza eta % 70eko dirulaguntza.
  • 2.3 I+G BABESTEA: gehienez 15.000 €-ko laguntza eta % 70eko dirulaguntza.
  • 2.4 NAZIOARTEKO MERKATUEN GARAPENA: gehienez 6.000 €-ko laguntza eta % 70eko dirulaguntza.
  • 2.5 PRESTAKUNTZA ESPEZIALIZATUA: gehienez 6.000 €-ko laguntza eta % 70eko dirulaguntza.
• NOIZ ETA NOLA ESKATU BEHAR DA?

  Gipuzkoako Aldizkari Ofizialean laburpena argitaratu eta hurrengo egunetik 2024ko urriaren 30ean deialdia itxi arte aurkeztu ahal izango dira eskabideak.

  Eskaerak telematikoki aurkeztu beharko dira, Donostiako Sustapenaren webgunearen bidez (www.fomentosansebastian.eus).

  Aurkeztu beharreko dokumentazioa:

  • Eskabidearen eranskina.
  • Laguntza eskatzen duen erakundearen banku-datuen eranskina, dagokion banku-erakundeak zigilatua, edo banku-agiri baliokidea, banku-erakundeak behar bezala zigilatua. Ekintzaileen kasuan, justifikazioa egiten den unean entregatuko da.
  • Pertsona fisikoa bada, eskatzailearen NANaren kopia.
  • Pertsona juridikoa bada, eskatzailearen IFKren kopia eta, hala badagokio, ahalordedunaren NANa.
  • Enpresa-proiektu berritzailearen memoria deskribatzaile teknikoa eta ekonomikoa
• NOLAKOA DA HAUTAKETA-PROZESUA?

  Laguntzak emateko prozedura norgehiagoka izango da.

  Kanpoko adituek ebaluatuko dituzte eskabideak, eta, gainera, onartutako proiektuen eta gastuen betearazpenaren jarraipena egin ahal izango dute, bai eta oinarri arautzaile hauen aplikazioan sortzen diren arazoak ebatzi eta interpretatu ere.

  Aurkeztutako proiektu guztiak honela ebaluatuko dira:

  • Memoria teknikoaren eta ekonomikoaren balorazioa (Memoria teknikoaren eranskina), gehienez 100 puntu, eta gutxienez 65 lortu beharko dira proiektua onartua izan dadin.

  Proiektu bat onartua izateko eta elkarrizketara pasatzeko, memoria tekniko eta ekonomikoaren balorazioan eskatutako gutxieneko puntuazioa (65 puntu) gainditu beharko du.

  Donostiako Sustapenak elkarrizketa bat eskatu ahal izango du proiektua eta talde sustatzailea zehatzago ezagutzeko, eta proiektuak hasieran lortutako balorazioa egiaztatzeko, adierazitako irizpideen arabera.

  Ezaugarri hauetakoren bat duten tokiko proiektuak izan beharko dute:

  • Egungo merkatuarekiko edo gizartearekiko balio diferentziala.
  • Erabilera intentsiboa teknologian, ezagutzan eta/edo berrikuntzan.
  • I+G proiektuak.
  • Produktu eta/edo zerbitzu berriak eta erabilgarriak.
  • Daudenak baino eraginkorragoak diren eta gure hiriaren garapen sozioekonomikoan eragin handiagoa duten negozio-prozesuak edo -ereduak.
  • Profil kualifikatuak dituzten eta balio erantsi handiko profil profesional berriak garatzen dituzten proiektuak.
• ZEIN DA JUSTIFIKATZEKO EPEA?

  Laguntzaren ordainketa bi ordainketatan egingo da, lehenengo justifikazio fisikoa eta azken justifikazio fisikoa izeneko ataletan eskatutako dokumentazioa aurkeztu ondoren.

  Lehenengo justifikazioa: Lehenengo justifikazioa programaren fase intentsiboa amaitutakoan aurkeztu ahal izango da (aholkularitzaren lehen 4 hilabeteak amaitzean), eta honako hauek ordaintzeko eskatu ahal izango da:

  • Prestasunerako laguntza: 5.000 €
  • Ekinn+ laguntza partziala edo osoa (gehienez 20.000 €)

  Prestasun-laguntza ordainketa bakar baten bidez ordainduko da, Ekinn+ aholkularitza-zerbitzuaren fase intentsiborako ezarritako mugarriak amaitu eta lortu ondoren eta onuradunak bere gain hartzen duen dedikazio-konpromisoa bete ondoren.

  Ekinn+ laguntza ordaintzeko, justifikazio partziala aurkeztu ahal izango da (gastu osoa gauzatu ezin izan den kasuetan) edo justifikazio osoa.

  Azken justifikazioa: Lehenengo justifikazioan aurkeztu ez diren Ekinn+ laguntzako gainerako kontzeptu diruz lagungarrietarako, edo Ekinn+ laguntzako kontzeptu guztietarako (20.000 €), onartutako kontzeptu subentzionagarri guztiak jasotzen dituen azken justifikazioa aurkeztu beharko da.

  Oro har, azken justifikazioa aurkezteko azken eguna 2025eko urriaren 30a izango da.