Donostiako ekonomia-garapeneko zinegotzi Marisol Garmendiak ofizial egin zuen San Sebastian-Gipuzkoa Film Commission Estatuko sare horretan sartzea, atzo batzordeko presidente Carlos Rosadorekin Udaletxean izandako bilera batean.

Garmendiak adierazi zuenez, «Spain Film Commission batzordearen jarduteko egituran sartzeak aukera emango digu gure lurraldea sustatzeko Estatuko Gobernuak erakunde horren esku utzi dituen ekintza garrantzitsu batzuen bidez, Zinemaldiaren hurrengo edizioarekin bat etorriz».

Ildo horretan, Donostiako ekonomia-garapeneko zinegotziak gogorarazi du zenbait filmatzek eta grabaketak gure hirian zuzeneko inpaktua izan zutela, hain zuzen, «7 milioi ingurukoa, 2021ean».

Era berean, Rosado Donostia Sustapeneko kudeatzaile Iñigo Olaizolarekin eta haren taldearekin bildu da Talent Housen, Spain Film Commission gure kokalekuen aukera lehiakorrak hobetzeko prestatzen ari den programak aztertzeko. Esparru horretan azaldu duenez, «San Sebastián-Gipuzkoa Film Commission batzordean sartzeak nabarmen indartzen du Estatuko ikus-entzunezko hubak aurreikusitako grabaketen eskaintza finkatzeko ekintza.

San Sebastian-Gipuzkoa Film Commission Donostia Sustapenaren eta Gipuzkoako Foru Aldundiaren Kultura Departamentuaren mendeko zerbitzu bat da, eta haren lana da gure kokalekuak bilatzen dituzten ikus-entzunezko ekoizpenak erakarri eta erraztea, bai eta tokiko industriako profesionalak erakarri eta proiektu horietara bideratzen diren pizgarriak lortzea ere. Ildo horretan, Euskadiko eta Estatuko ekoizpenetan egiten diren inbertsioek % 35eko kenkaria dute Sozietateen gaineko Zergan, eta % 45ekoa, obra euskaraz filmatzen bada. Lurraldean filmatutako atzerriko ekoizpenek % 35eko kenkaria izango dute Euskadin egindako gastuetan. Gainera, kasu batzuetan, udal-tasen salbuespena gehitzen zaie pizgarri horiei.