Ibilgailu elektrikoak kargatzeko azpiegituren hedapena bultzatzeko laguntzak

Donostiako aisia eta turismo enpresei ibilgailu elektrikoak kargatzeko guneak jartzeko laguntzen programa.

• ZERTAN OINARRITZEN DIRA LAGUNTZAK?

  Hiriko aisia eta turismo sektoreko enpresen instalazioetan ibilgailu elektrikoak kargatzeko guneak jartzeko dirulaguntzak eskainiko dira.

• ZER ZENBATEKO DU LAGUNTZAK?

  Establezimendu bakoitzeko dirulaguntzaren gehieneko zenbatekoa 20.000 €-koa da. Laguntzaren intentsitatea diruz lagundu daitezkeen gastuen % 70ekoa da, eta % 10 gehigarria enpresa txikien edo mikroETEen kasuan.

  Programa honetara bideratutako zenbatekoa, guztira, 108.000 €-koa da.

• NOIZ ARTE AURKEZ DEZAKEZU ESKABIDEA?

  Eskabideak aurkezteko epea zabalik egongo da baliabide ekonomikoak agortu arte edo, gehienez ere, deialdia itxi arte, hau da, 2023ko azaroaren 30era arte.

• NORK ESKA DEZAKE LAGUNTZA?

  Donostian lantokia duten aisia turistikoaren sektoreko enpresek eska dezakete laguntza, honako JEZ hauekin: 1671, 1672, 1673, 1681, 1682, 1683, 1684, 1685 eta 1686.

• ZER GASTU FINANTZA DAITEZKE?

  Programa honetan diruz lagundu daitezkeen gastuak honako hauek dira:

  • Proiektua
  • Obra zibila
  • Ingeniaritzako eta obra-zuzendaritzako kostuak
  • Kargatzeko azpiegituraren kostua
  • Edozein elementu elektriko instalatzea edo eguneratzea, transformadorea barne
  • Baimen erlazionatuen eta beharrezkoen kostuak
  • Instalazioa legeztatzeko kostuak
  • Babesak
  • Seinaleak
  • Kudeaketa-, kontrol- eta segurtasun-sistema, halakorik badago
  • Beharrezko telekomunikazio-instalazioak
• NOIZ JASOKO DUT LAGUNTZAREN ORDAINKETA?

  Ordainketa bakarra egingo da amaieran, justifikazio-memoria eta karga-puntuaren instalazioaren euskarri grafikoa aurkeztu eta onartu ondoren.

• NOlA ESKA DEZAKET AHOLKULARITZA ZERBITZUA?

  Eskabidea webgune honetako formulario honen bidez aurkez dezakezu.