Enpresentzako laguntzak metroaren obrengatik

Metroa eraikitzeko obrek eragindako eragozpenak direla eta, San Bartolome eta Easo kaleetako zati batzuetan dauden enpresentzako laguntzak.

• ZEIN DA LAGUNTZEN HELBURUA?

  Donostiako San Bartolome eta Easo kaleetako zenbait zatitan Donostiako METROA eraikitzeko obren ondorioz sortzen diren eragozpenak arintzea da laguntza hauen helburua.

• NORK ESKA DEZAKE LAGUNTZA?

  Jarduera Ekonomikoen gaineko Zergaren 1. atalean alta emanda dagoen eta helbide hauetakoren batean helbideraturik dagoen establezimendu ekonomiko baten titularra bazara, laguntza eska dezakezu:

  1. San Bartolome kalea: 3-11 bitarteko atariak (biak barne) eta 4. albo-atetik 12. albo-atera artekoak (biak barne)
  2. Easo kalea: 27tik 37ra bitarteko atariak (biak barne)
• ZENBATEKO LAGUNTZA DA?
  Establezimendu bakoitzak jaso dezakeen laguntza, baldintzak betetzen baditu, ezin izango da 550 eurotik gorakoa izan.
• ZER GASTU FINANTZA DAITEZKE?
  1. 2024ko OHZ, aurreko atalean adierazitako lokalari dagokiona.
  2. Donostiako Udalak 2024ko ekitaldian bidalitako uraren ordainagirien eta zaborren/estolderien ordainagirien zati finkoa, aipatutako lokalari dagozkionak.
• NOIZ JASOKO DUT LAGUNTZAREN ORDAINKETA?

  Adierazitako dokumentazio guztia aurkeztu ondoren, ordainketa bakarrean jasoko duzu laguntza.

• NOIZ ARTE AURKEZ DEZAKEZU ESKAERA?

  Laguntza-eskabidea aurkez dezakezu GAOn argitaratu eta hurrengo egunetik deialdia itxi arte, hau da, 2024ko azaroaren 30era arte.

• NOLA ESKA DEZAKET LAGUNTZA?

  Orri honetako eranskinen atalean aurkituko duzun inprimakiaren bidez aurkez dezakezu eskabidea.