Zure negozioa Donostian kokatzeko espazio bat behar duzu?

7 enpresa zentro ditugu hirian zehar, puntako teknologia azpiegiturekin eta doako aholkularitza, berrikuntza edo nazioartekotze zerbitzuekin. Bakoitzak sektore jakin bateko negozioak biltzen ditu

CEMEI

Igarako industrialdean aurkituko duzu zure enpresa kokatzeko lekurik egokiena, oso irisgarritasun onarekin eta lur gaineko eta sestra azpiko aparkalekuekin, batzuek gainera kargagailu elektrikoa dute. 17.541 m2, 20 eta 400 m2 arteko 74 bulegorekin; 10 lokal erdi-industrial, ibilgailuentzako sarbidearekin, eta formatu txikiko 26 enpresa-bulego altzariz hornituta, zure enpresaren garapenaren hasierako fasean laguntzeko. Zerbitzu aurreratuak ditu, hala nola, auditorioa, bideo-hitzaldi gelak, enpresa-bulegoa, office, jatetxea, gimnasioa eta haurtzaindegia.

 

  • ZER ESKAINTZEN DU CEMEI ERAIKINAK?

    Cemei enpresa berritzaileei zuzendutako zentroa da. Guztira 49 bulego dauzka, 55 eta 200 m2 bitartekoak, eta enpresa erdi-industrial garbientzako 9 lokal, 180 eta 500 m2 bitartekoak.

     Ibaetako Portuetxe kalean dago. Hirigunearekin ongi komunikatutako zona da, eta probintziatik ere sarbide egokiak ditu. Ez ahantzi Cemeik aparkaleku plazak ere badauzkala, bai langileentzat bai bisitentzat.

  • ZER PRESTAZIO EMATEN DITU CEMEI ZENTROAK?

    Enpresa berritzaileen udal zentroan, ekintzailetzarako eta zure negozioa muntatzeko espazioak izateaz gain, erabilgarri dituzu honakoak:

    • Auditorio girotua, 80 lagunentzat.
    • Bideokonferentzia zerbitzua.
    • Erabilera anitzeko gela, aurkezpenak, topaketak edo enpresa-prestakuntzako jarduerak egiteko prestatua.
    • Otorduak egiteko eta atseden hartzeko sukalondoa.
  • NON DAGO CEMEI ENPRESA BERRITZAILEEN UDAL ZENTROA?

    Cemei eraikina Portuetxe kalean dago, Ibaetan. Inguru zoragarria da zure negozioa muntatzeko, unibertsitateetatik oso hurbil dagoelako eta garraio publikoaren bitartez oso erraz iristen zarelako bertara. Cemei zentroraino zenbait autobus linea iristen dira; horiek, 15 minutuan behin, Donostiako hirigunea zona honekin lotzen dute, 20 minutu baino gutxiagoan.

    GI-20 errepiderako sarrera alokairuko enpresa-espazio horietatik kilometro eskasera dago. Horri esker, Gipuzkoako beste leku batzuetatik ere oso sarbide erosoa dugu. Hirigunetik 15 minutu behar dira, autoz, bertara iristeko. Eta guztira 194 aparkaleku plaza daude langileentzat eta bisitentzat.

  • ZERBITZU ERANTSIAK
    • Coworking espazioak.
    • 15 eta 30m2 bitarteko altzariz hornitutako enpresa bulegoak.
    • Jatetxea
    • Haurtzaindegia
    • Ibilgailu elektrikoetarako kargagailuak

INTERESATZEN ZAIZU?

Ezagutu enpresa-espazio bat alokatzeko aukera

IKUSI PRESTASUNA

 

Gela bat erreserbatu nahi duzu? Eskatu botoian klik eginez

ARETO BAT ERRESERBATU