Bere hirugarren edizioan, azoka Harria parkearen estalkipean egongo da 09: 30etik 14: 00etara.
Ekonomia Bultzatzeko Zinegotzigoak, Donostiako Sustapenaren bitartez, Altza auzoko Tokiko Produktuen Merkatuaren edizio berri bat, hirugarrena, antolatu du datorren larunbaterako, urriak 15. Oraingoan, tokiko ekoizleen 13 postu egongo dira merkatuan, eta Harria parkearen sarrerako estalkipean jarriko dituzte salgai produktuak, 09:30etik 14: 00etara.
Donostiako Udaleko Ekonomia Bultzatzeko eta Merkataritzako zinegotziak, Marisol Garmendiak adierazi duen bezala “Altzak dagoeneko berea egin du tokiko produktuarekin hitzordua. Jende asko joan da aurreko edizioetara ikustera eta erostera, saltzeko gutxigatik ere generorik gabe geratu ziren postuetara, tokiko ekoizleen gogobetetasunerako. Ekoizle horiek dira; izan ere, gero eta jarraitzale gehiago irabazten dituztenak, kontsumo arduratsu jasangarri eta, batez ere, hurbil, Zero Kilometroaren aldekoak. Nekazaritzako elikagaien negozio horien aldeko gure apustua eta laguntza sendoa da, eta horrelako merkatuek produktuen merkaturatzea eta bistaratzea errazten dute.
Nekazaritza-ekintzailetzako Donostia Urban Lur proiektuaren barruko jarduera da, Donostiako Sustapenak sustatuta. Proiektu hau 2021ean hasi zen, eta Donostiako herritarren artean nekazaritzako elikagaien ekintzailetza sustatzea du helburu. Horretarako, nekazaritza- laborantzarako prestakuntza, lurra eta azpiegitura egokiak eskaintzen dira. Hortaz aparte negozioa abian jartzeko eta produktuak on line eta aurrez aurre merkaturatzeko aholkularitza ere eskeintzen da.
Harria parkean, 9:30etik 14:00etara salgai jarriko diren produktuen artean eta auzoaren dinamizazio komertziala ere bultzatuko dituztenak, barazki organikoak, barazkiak, fruta, gozoak, ogia, kontserbak, gaztak, marmeladak, jogurtak, ahatearen produktuak, kontserbak, eztia eta abar daude, Altzako, Urban Baratzako, Wilmarreko, Goxorrubiko eta Altza Baratzako (Sarea Fundazioa) nekazari-ekintzaileek zein Donostialdeko eta inguruetako tokiko ekoizleek sortutakoak; horien artean Mañeko, OnEin Kontserbak, Etxeberri Goikoa, Goenaga, Aldabazahar, Aikur, Garrarte, Amatxo Gaztandegia eta Aparola daude.