Arau-urratzeei eta ustelkeriaren aurkako borrokari buruzko informazioa ematen duten pertsonen babesa arautzen duen otsailaren 20ko 2/2023 Legean ezarritako betebeharrak betez, Donostia Sustapenak barneko informazio-sistema sortu da. Sistema horrek aukera ematen du kontsultak eta salaketak aurkezteko edo Donostia Sustapenean gertatutako arau-hausteen, jokabide bidegabeen edo jardunbide txarren susmo arrazoituak jakinarazteko, eta erabateko konfidentzialtasuna, anonimotasuna eta babesa bermatzen ditu edozein errepresaliaren aurrean. Alerta goiztiarreko sistema bat da, arriskuak murrizteko, etika publikoa sustatzeko eta herritarrek erakundean duten konfiantza areagotzeko.