Donostian harrera egin zaio Frantziako eta Italiako ordezkaritza bati, Clean Proiektuko esperientziak trukatzeko

 

Europako CLEAN (Interreg Europe-EU) proiektuaren esparruan (Donostiako Sustapenak bazkide moduan parte hartzen du bertan), lehen aldiz esperientziak trukatzeko saioa egin da Donostian, urtarrilaren 23an eta 24an. Zehazki, Frantziako Normandiako 7VENTS erakundeko bazkideak eta Italiako Napoliko ANEA erakundeko bazkideak hartu dira

 

logo cleanBisitan zehar, ordezkaritzak xehetasunez ezagutu ahal izan ditu Donostiako Sustapenak, Energia Eraginkortasunaren eremuan, hirian abian jarri dituen zenbait jardunbide egoki. Hain zuzen ere, energia-eraginkortasuna proiektuan lantzen den gai nagusia da. Horietako bat Enertic eraikuntza bioklimatikoa da, zero emisioetatik gertu dagoen eraikin iraunkorra, 27. Poligonoan aurkitzen dena eta Donostiako Sustapenak kudeatzen duena. Enertic eraikinean smart eremuko enpresen bulegoak kokatzen dira, eta, bertan, smart arloarekin zerikusia duten enpresen artean baterako sorkuntza eta networking-a sustatzen da. Ezaugarri bioklimatiko nabarmenen artean daude eraikinak berak duen diseinua, eraginkortasun handiena izateko (kontuan hartuta, orientazioa, eraikinaren aireztapena, erabilitako materialak,…) nahiz eraikina elikatzeko erabilitako energia berriztagarriko iturriak (geotermia, eguzki-energia, eolikoa, ura berrerabiltzea,…). 

 

intercambio proyecto clean contenido 2

 

Bestalde, Donostiako Sustapenak koordinatzen duen Europako REPLICATE proiektua (H2020 -SCC01 deialdikoa) jardunbide egoki bezala zabaldu zen baita ere. Zehazki, Urumea ibarraren barrutian egiten ari diren jarduerak ezagutu ahal izan zituen ordezkaritzak (Txomin, 27. Poligonoa eta Ametzagainako parkea). Horiez gain, 27. Poligonoan jarritako argiteria adimentsua, eraikitzen ari diren Hiri Berogailu sistema, etab. ezagutu ziren. Era berean, EUROHELP eta LEYCOLAN proiektuetako bazkideek, biak ere Donostia Smart Klusterreko bazkideak, proiektuaren esparruan garatzen dituzten jarduera zehatzak azaldu zituzten. 

 

Azkenik, urtarrilaren 24an, hirian 2014az geroztik garatzen ari den SmartKalea ekimenaren esperientzia jorratu zuten. Proiektua smart ezarpenak kale bakar batean banatzen dituen ekimen aitzindaria da. Lankidetza publiko-pribatuko eredu berritzailea lantzen du, eta kalearen inguruan inplikatuta dauden agente guztiek parte hartzen dute (Udala, herritarrak, saltokiak eta jatetxeak, merkataritza-elkarteak eta enpresa teknologikoak). Proiektua Kale Nagusian abian jarri zen, baina hiriko beste kale batzuetara eraman daitekeenez, Alde Zahar osoan eta Altza auzoan erreplikatu da. Proiektuan esku hartzen duten enpresek (tartean: Uhin Energía, Ikusi, Dinycon, Leycolan, In Situ, FCC, Skootik, Nerei eta Idom) jardunaldian parte hartu zuten, eta orain arte lortutako aurrerapenak eta emaitzak erakutsi zituzten. Jardunaldia amaitzeko, lehen SmartKalea kalea bisitatu zuten; hots, Kale Nagusia.

 

intercambio proyecto clean contenido 3

 

Bisita horri esker, kontu horretan inplikatuta dauden tokiko agenteak ere bildu ziren, eta, proiektuaren egoera zertan den jakiteaz gain, Europako bazkideak burutzen ari diren esperientziak ezagutzeko aukera izan zuten.

 

CLEAN proiektua 2017ko urtearen hasiera aldera jarri zen abian, 1,33 milioi euroko inbertsioa du eta bost urteko iraupena. Toki-mailan, tokiko agenteekin batera bilatzen dira instrumentuak eta jardunbide egokien gida ez ezik, hirirako jarduera-plana ere definitzen da. Halaber, Europako eskualde ezberdinetara bisitan joaten dira misioak egitera, ezagutza transmititzeko non gai horren inguruan interesatuta dauden tokiko agenteak gonbidatu gisa joan daitezkeen. Informazio gehiago ezagutu nahi izanez gero:  www.interregeurope.eu/clean/

 

Azken Berriak

Smartkalea proiektuan ideia berriak bilatzen dira!

SmartKalea proiektuaren Ideien Deialdian Eskabideak aurkezteko epea irailaren 30erarte luzatuko da. SmartKalea proiektuaren Ideien Deialdiaren edizio berria. Donostiako Sustapenak SmartKalea proiekturako smart produktuen edo zerbitzuen ideiak aurkezteko hirugarren deialdia zabaldu du. Donostiako SmartKalea proiektuaren baitan sartzen den deialdi honek hiriaren berrikuntza teknologikoa sustatzea du xede enpresei lagunduz eta negozio-aukera berriak sortuz ...

SmartKalea proiektuak Altzan hondakinak murriztea lortu du

Azterketa batek egiaztatu du zigarro-mutxikinek %12 behera egin dutela. Donostia Sustapenak abian jarritako Smartkalea proiektuak azterketa bat burutu du Altza Pasealekuan, kaleen garbiketa zerbitzuan biltzen diren hondakinei buruzkoa, datu monitorizazioaren bidez, eta egiaztatu du gehien agertzen den hondakinak, tabako zigarro-mutxikinena, alegia, %12 behera egin duela, hiritarrak kontzientziatzeko garatutako kanpainari esker. Helburu hori lortzeko, hainbat neurrien artean, tanga zilindriko garden bat instalatu zen bildutako zigarro-mutxikinekin eta hautsontzi eramangarriak banatu ziren ...

Donostia, Europako Smart hiri nagusien anfitrioia

Martxoaren 26an eta 27an, Donostia European Smart Projects Summit ekimenaren anfitrioi bilakatu zen; hain zuzen ere, ekitaldi horretan bildu ziren Smart ekosistemako agente ezberdinak, Londres, Rotterdam, Bartzelona edo Florentzia bezalako Europako 100 bat hiritatik etorritakoak, hiri adimentsuen eta iraunkorren garapenerako esperientziak, ezagutzak, erronkak eta etorkizuneko helburu giltzarriak partekatze aldera. Donostiak, Donostiako Sustapenaren bitartez, Txomineneko ekoauzoan Smart eremuan burutzen ari diren ezarpen ezberdinak erakutsi zizkien parte-hartzaileei ...

Smartkalea proiektuak altzako hondakinen erradiografia egun du

Smartkalea proiektuak Donostiako Sustapenak koordinatzen duena, kaleen garbiketa bidez biltzen diren hondakinen azterketa egin du eta hondakin ugarienak zigarrokinak direla egiaztatu du; ondoren, pipa azalak, paperezko ezpainzapiak eta snack boltsak direlarik. Hiritarrak hondakin kopurua murriztea lortzea sentsibilizatzeko helburuarekin, jasotako zigarrokinez beteriko depositu zilindriko garden bat instalatu da eta hautsontzi eramangarriak banatzen ari dira ...

Donostia Sustapenak Smartkalea proiektua aurkeztu du Europako BY&FORCITIZENS biltzarrean

Irailaren 20an Donostia Sustapenak SmartKalea proiektua aurkeztu zuen Hirien eta Eskualdeen Smart Birsorkuntzari buruzko BY&FORCITIZENS biltzarreko lehenengo edizioan, Valladoliden, Gaztela Leoneko Juntak, Valladolideko Udalak, Cartif entitateak eta ICEk antolatuta. Ekitaldiak nazionalitate desberdineko sektore publiko eta pribatuko 250 lagun bildu zituen eta Europar Batzordeko ordezkaritza izan zuen. Bertan, esperientziak, ideiak eta hiriak birsortzeko praktikarik hoberenak partekatu ahal izan ziren, ikuspegi iraunkorpean.