Siccar ekimea hasi da kale nagusian, Smartkalea proiektuaren barruan.

 

Herritarrak Ingurumenarekiko Portaera Arduratsua edukitzera Bultzatzeko Zerbitzua IKTen erabileraren bitartez. 

 

Ekimen honen bitartez hiriaren ingurumenaren kalitatearen egoera hobetzea bilatzen da eta batik bat, kaleko garbitasunarena, modu berritzaile batean, tekonologiaren erabilararen bitartez. Alderdi hauetan eragina izan nahi da, herritarren partaidetza integratuz, ongizate kolektiboan zuzenki eraginez.

 

Herritarren ingurumenarekiko kontzientziazioa handitzea, Kale Nagusiko kale garbitasunahobetzea eta energia eta kale garbiketan ur baliabide gutxiago erabiltzea da helburua. Horretarako, SICCAR ekimenaren bidez erabiltzaileekin konektatu nahi da (herritarrekin besteak beste), kaleko garbiketan proaktiboki parte har dezaten, ingurumenarekiko portaera arduratsua bultzatuz modu ludiko eta berritzailean, IKT-en bidez.

 

Ekimena, Fomento de Construcciones y Contratas S.A-kTecnaliaren lankidetzarekin garatua, SmartKalea proiektutik bideratutako Ideia Deialdiaren barruan kokatzen da, enpresek euren Smart produktu/zerbitzuak hiriko inguru errealetan testatu ahal izan ditzaten. SmartKalea, Donostiako Sustapenaren proiektua da eta Smart ikuspegi batetik hiriko eremu batean elkarrekin bizi diren agente desberdinak barne hartzen dituen lankidetza-eredu publiko pribatuari erantzuten dio: herritarrak, negozioak, enpresa teknologikoak eta Udal Departamentuak, Donostiako Sustapenaren koordinazioaren baitan. Smart ezarpenak egiteko proiektu pilotua da, eredu hori testeatu eta balioztatu ondoren beste eremu geografiko batzuetara hedatu, eta Donostia hiria Smart erreferentzia- gune bihurtzeko.

 

SICCARweb aplikazioa da, eta mugikorraren bidez sartu ahal izango da bertan, ekimenari atxikitako Kale Nagusiko establezimenduetan aurkitu ahal izango dituzun foiletoetan gehitutako QR kodeen bidez. Ondorengo loturaren bidez ere sartu daiteke: www.siccar.eu

 

Aplikazio honen bidez zure iritzia eman ahal izango diguzu Kale Nagusiko bide garbiketarekin zerikusia duten alderdien inguruan, online jokoetan parte hartu ahal izango duzu edo ingurumenari edo garbiketa zerbitzuari berari buruzko datu bitxiak ezagutu ahal izango dituzu.

 

Era berean, hamabostero ranking bat ezarriko da ekimenerako kalea banatu den lau zatien artean, ondoen posizionatutako zatia saritu ahal izateko hiru adierazle hauen arabera: parte hartze soziala, kaleko garbitasunarekiko gogobetetzea eta garbiketa zerbitzuaren kalitatea. 

 

Parte hartze hutsagatik, astero sari desberdinak zozketatuko dira web aplikazioaren bidez, atxikitako establezimenduetan bonu aldagarriak eskuratuz.

 

Ba al zenekien? Kale Nagusiko garbiketa zerbitzuak gehien aurkitzen duen hondakina zigarro zuztarrak dira.

 

Ekimena irailaren 25ean hasi da eta bi hilabetez luzatuko da, azarorarte. 

 

 

Azken Berriak

Jadanik eskura dago SmartKalea proiektuaren 2021eko urteko txostena

SmartKalea proiektuaren 2021eko urteko txostena argitaratu da. Txosten horretan, 2021ean SmartKalea barruan monitorizatutako datuen emaitzak jasotzen dira. Zehazki, etxebizitza eta saltokien energia-kontsumoak eta kontsumo horien bilakaera aztertzen da txostenean. Halaber, argiztapen publiko adimendunaren kontsumoak aztertzen dira. Bestalde, oinezkoen, ibilgailuen eta tren-bidaiarien ugaritasunarekin lotutako datu monitorizatuak aztertzen dira. Azkenik, proiektuaren esparru geografikoetako aire-kalitatearen sentsorika aplikatuz lortutako datuen azterketa egiten da.

Jatorri berriztagarria duen energia elektrikoa taldean erostea SmartKalea proiektuaren esparruan

Donostia Sustapenak, SmartKalea proiektuaren esparruan, kontsumitzaileen elkarte bat sustatzen du, proiektuarekin bat egiten duten saltoki batzuek osaturikoa. Saltoki horiek, modu bateratuan, energia elektrikoa erosteko eskaintzak eskatzen dizkiete enpresa merkaturatzaileei. Elkartearen helburua da energia elektrikoaren hornikuntzan erabiltzaileek banaka eskuratuko lituzketen baino prezio lehiakorragoak lortzea.

SmartKalea-ko ideien deialdia

Dagoeneko kontsulta daitezke RAZ enpresak Donostiako Antso Jakitunaren kaleko mugikortasunari buruz egindako ekimenaren datuak. Ekimen hori Donostiako Sustapenaren Smar ideia-deialdiaren esparruan garatua izan da.

Donostia, Bodah proiektuaren hiri pilotua

Donostiako hiriak, Donostia Sustapenaren bidez, Interreg Atlantic Area programako BODAH (Big and Open Data for Atlantic Heritage) Europako proiektuan parte hartzen du. Hiria, Pau, Cork eta Compostelako Santiagorekin batera, proiektuaren barnean dauden 4 hiri pilotuetako bat eta, hala aurkezten da, herritarren eta turismoaren fluxuen inguruko garapen iraunkor holistikoena indartzeko eta datu eta teknologia adimentsuak erabiltzeari esker eragin sozial eta ekonomikoak birbanatzeko helburuarekin.

Pertsonen zenbaketa

SmartKalea proiektuaren esparru barruan Donostian ezarritako zenbaketa sentsoreak. Donostia Sustapenak pertsonak zenbatzeko sentsore ugari ezarri ditu hirian zehar, SmartKalea proiektuaren esparru barruan. Sentsore hauei esker ezagutu daiteke kale bakoitzetik igarotzen diren pertsonen kopurua denbora errealean eta bi norabideetan, Alde Zaharrera sartzeko eta bertatik ateratzeko, % 97tik gorako zehaztasunarekin ...

 


 

Berreskuratze, Eraldaketa eta Erresilientzia Planaren esparruan gauzatutako proiektua, eta Europar Batasunak-Next Generation EU, Industria, Merkataritza eta Turismo Ministerioak eta Eusko Jaurlaritzako Turismo, Merkataritza eta Kontsumo Sailak finantzatua.

faldonsmart