Donostia, Europako Smart hiri nagusien anfitrioia

 

Martxoaren 26an eta 27an, Donostia European Smart Projects Summit ekimenaren anfitrioi bilakatu zen; hain zuzen ere, ekitaldi horretan bildu ziren Smart ekosistemako agente ezberdinak, Londres, Rotterdam, Bartzelona edo Florentzia bezalako Europako 100 bat hiritatik etorritakoak, hiri adimentsuen eta iraunkorren garapenerako esperientziak, ezagutzak, erronkak eta etorkizuneko helburu giltzarriak partekatze aldera. Donostiak, Donostiako Sustapenaren bitartez, Txomineneko ekoauzoan Smart eremuan burutzen ari diren ezarpen ezberdinak erakutsi zizkien parte-hartzaileei; hots, eraikinetako birgaitze energetikoa, District Heating, e.a.

 

European Smart Projects Summit ekitaldiaren lehen saioa Kursaal Biltzar Jauregian egin zen; Eneko Goia alkateak inauguratu zuen, eta Europar Batzordeko Georg Houben ordezkariak esku hartu zuen. Euken Sesé-k, Donostiako Sustapenaren Kudeatzailea, Smart Eremuan Donostia/San Sebastián hirian burutzen ari diren ekintza ezberdinak aurkeztu zituen. Goizeko saioan, bertaratuek aukera izan zuten AITeko (Austrian Institute of Technology) Hans Martin Newmanek honen inguruan eskainitako hitzaldia entzuteko: Europar Batasunaren eta Txinaren arteko lankidetzarako berrikuntza-plataforma sorrera, URBAN-EU-Txina proiektua, alegia. Halaber, Smart City-en etorkizunari buruzko esperientziak eta ikuspegi ezberdinak ezagutu ahal izan zituzten Francis Pisaniren (hirien berrikuntzan aditua) eta Renato Castroren (Smart City-etan aditua) eskutik.

 

anfitrion smarteuropeas contenido 1Era berean, hitzarmena sinatu zuten Europako hiri ezberdinek lortzen ari diren inpaktuak eta irabaziak hobetzeko burutzen ari diren proiektuen artean lankidetza-esparru gisa erabiltzeko. Europako Batzordearen Lighthouse proiektuetan parte hartzen duten 100 bat hiri irtenbide adimentsu sorta zabala ari dira garatzen energia eta baliabideen eraginkortasuna areagotzeko arlo hauetan: eraikuntza, energia-sistemak, mugikortasuna, aldaketa klimatikoa, ura eta airearen kalitatea. Jarduera horiek inpaktu ekonomiko, sozial eta ingurumen-arloko eragin garrantzitsuak ekarri beharko dituzte, besteak beste, bizi-kalitatea, lehiakortasuna, enplegua eta hazkundea hobetzeko.

 

Akordioa sinatu zuen Donostiako Ernesto Gasco alkateordeak, eta, horren bitartez, hartutako eta garatutako gaitasunak partekatu nahi dira, abian jartzen ari diren ereduak antzeko hiri-inguruneetan errepika daitezen. Era berean, zerbitzu pribatuen eta teknikoen Smart City teknologiak azaldu ahal izango zaizkie sektore publikoan erabakiak hartzeko ardura dutenei.

 

Lehen jardunaldian, halaber, formatu txikiko topaketa ezberdinak burutu zituzten, eta, besteak beste, honako gai hauetaz hitz egin zuten: hiri-barrutiak eraikin adimentsu eta iraunkor bilakatzea, Smart baliabideen finantzaketa eta negozio-ereduak, datuen segurtasuna herritarren zerbitzuetarako, hiri-mugikortasunaren aldaketa eredu iraunkor batera bideratuta, herritarrak hirien aldaketen gune gisa edota trantsizio energetikoko gakoak.

 

Bigarren jardunaldirako, Donostiako Sustapenak bisitak antolatu zituen European Smart Projects Summit jardunaldira joandakoentzat, hirian burutzen ari diren Smart ezarpen desberdinak ezagutzera emateko helburuarekin. Parte-hartzaileak hiriko autobus elektrikoetan joan ziren Txomineneko ekoauzora eta, bertan, Euskal Herriko District Heating handiena bisitatu zuten, hiriko barruti berri hori osatuko duten 1.500 etxebizitza baino gehiagori zerbitzua emateko gai dena. Enertic eraikinan, 27. Poligonoan energia berriztagarrietarako eta energia-eraginkortasunerako dagoen zentroan, hirian abian diren ibilgailu elektriko ezberdinak erakutsi zizkieten Udaleko lau auto, zortzi moto eta zazpi taxi. Proiektuko bazkide desberdinek eta Donostia Smart Klusterreko kide batzuek bere jarduerak aurkeztu zituzten eta europar parte-hartzaileekin esperientziak partekatu zituzten. Gainera, Smartkalea proiektua aurkeztu zen, erakunde publikoen eta pribatuen arteko kolaborazioaren adibidea, Donostia/San Sebastián hirian smart eremuan inplementazio desberdinak burutzen ari dena.

 

anfitrion smarteuropeas contenido 2

 

Donostiako Sustapenak koordinatzen du Replicate proiektua (Europako Batzordearen H2020 programaren barnean batera finantzatua, nº691735 kontratuaren esparruan dela). Europako Batzordearen Europako SCC1 Smart Cities and Communities deialdiak, hirietan smart ezarpenak egiteko, 2015. urteaz geroztik, guztira 14 proiektu finantzatu ditu 30 milioi euro inguruko inbertsioekin eta 40 eredu-hiri eta 53 hiri jarraitzaile ordezkatzen dituztela, haien ekosistemak leku adimentsuago eta iraunkorrago bilakatzeko.

 

2019ko lehen seihilekoan, Donostiako Sustapena da 14 lighthouse proiekturen arteko lankidetzaren burua, eta, esparru horretan, Donostian European Smart Projects Summit ekitaldia antolatu da.

 

Anfitrion_smarteuropeas_fotos_001
Anfitrion_smarteuropeas_fotos_002
Anfitrion_smarteuropeas_fotos_003
Anfitrion_smarteuropeas_fotos_004
Anfitrion_smarteuropeas_fotos_005
Anfitrion_smarteuropeas_fotos_006
Anfitrion_smarteuropeas_fotos_007
Anfitrion_smarteuropeas_fotos_008
Anfitrion_smarteuropeas_fotos_009
Anfitrion_smarteuropeas_fotos_010
Anfitrion_smarteuropeas_fotos_011
Anfitrion_smarteuropeas_fotos_012
Anfitrion_smarteuropeas_fotos_013
Anfitrion_smarteuropeas_fotos_014
Anfitrion_smarteuropeas_fotos_015
Anfitrion_smarteuropeas_fotos_016
Anfitrion_smarteuropeas_fotos_017

 

Azken Berriak

Smartkalea proiektuan ideia berriak bilatzen dira!

SmartKalea proiektuaren Ideien Deialdian Eskabideak aurkezteko epea irailaren 30erarte luzatuko da. SmartKalea proiektuaren Ideien Deialdiaren edizio berria. Donostiako Sustapenak SmartKalea proiekturako smart produktuen edo zerbitzuen ideiak aurkezteko hirugarren deialdia zabaldu du. Donostiako SmartKalea proiektuaren baitan sartzen den deialdi honek hiriaren berrikuntza teknologikoa sustatzea du xede enpresei lagunduz eta negozio-aukera berriak sortuz ...

SmartKalea proiektuak Altzan hondakinak murriztea lortu du

Azterketa batek egiaztatu du zigarro-mutxikinek %12 behera egin dutela. Donostia Sustapenak abian jarritako Smartkalea proiektuak azterketa bat burutu du Altza Pasealekuan, kaleen garbiketa zerbitzuan biltzen diren hondakinei buruzkoa, datu monitorizazioaren bidez, eta egiaztatu du gehien agertzen den hondakinak, tabako zigarro-mutxikinena, alegia, %12 behera egin duela, hiritarrak kontzientziatzeko garatutako kanpainari esker. Helburu hori lortzeko, hainbat neurrien artean, tanga zilindriko garden bat instalatu zen bildutako zigarro-mutxikinekin eta hautsontzi eramangarriak banatu ziren ...

Donostia, Europako Smart hiri nagusien anfitrioia

Martxoaren 26an eta 27an, Donostia European Smart Projects Summit ekimenaren anfitrioi bilakatu zen; hain zuzen ere, ekitaldi horretan bildu ziren Smart ekosistemako agente ezberdinak, Londres, Rotterdam, Bartzelona edo Florentzia bezalako Europako 100 bat hiritatik etorritakoak, hiri adimentsuen eta iraunkorren garapenerako esperientziak, ezagutzak, erronkak eta etorkizuneko helburu giltzarriak partekatze aldera. Donostiak, Donostiako Sustapenaren bitartez, Txomineneko ekoauzoan Smart eremuan burutzen ari diren ezarpen ezberdinak erakutsi zizkien parte-hartzaileei ...

Smartkalea proiektuak altzako hondakinen erradiografia egun du

Smartkalea proiektuak Donostiako Sustapenak koordinatzen duena, kaleen garbiketa bidez biltzen diren hondakinen azterketa egin du eta hondakin ugarienak zigarrokinak direla egiaztatu du; ondoren, pipa azalak, paperezko ezpainzapiak eta snack boltsak direlarik. Hiritarrak hondakin kopurua murriztea lortzea sentsibilizatzeko helburuarekin, jasotako zigarrokinez beteriko depositu zilindriko garden bat instalatu da eta hautsontzi eramangarriak banatzen ari dira ...

Donostia Sustapenak Smartkalea proiektua aurkeztu du Europako BY&FORCITIZENS biltzarrean

Irailaren 20an Donostia Sustapenak SmartKalea proiektua aurkeztu zuen Hirien eta Eskualdeen Smart Birsorkuntzari buruzko BY&FORCITIZENS biltzarreko lehenengo edizioan, Valladoliden, Gaztela Leoneko Juntak, Valladolideko Udalak, Cartif entitateak eta ICEk antolatuta. Ekitaldiak nazionalitate desberdineko sektore publiko eta pribatuko 250 lagun bildu zituen eta Europar Batzordeko ordezkaritza izan zuen. Bertan, esperientziak, ideiak eta hiriak birsortzeko praktikarik hoberenak partekatu ahal izan ziren, ikuspegi iraunkorpean.