Antso Jakitunaren kaleko bizilagunekin lortutako akordioari esker, Antso Jakituna hiriko hirugarren SmartKale bilakatzeko bidea ireki da

 

Argiztapen adimentsua izango du, inor igarotzen ez denean intentsitate baxuagoa izango duten argiak; smartphonerako aplikazioa, Donostiako smart kale horretan igarotzen direnek saltokien promozioen berri izateko denbora errealean; saltokietan eta etxebizitzetan energia aurrezteko gailuak; nahiz informazio guztia jasotzen duen plataforma, herritarrek web orrialdearen bitartez denbora errealean eskuratu ahal izango dutena.

 

Ernesto Gasco alkateordeak ondorengoa nabarmendu zuen: “Antso Jakitunaren kaleko zati honetako bizilagunekin gaur lortutako konpromisoa hirigintza-eraldaketa baino haratago doa, espazioa hiriaren abangoardia teknologikoan kokatzeko aukera eskaintzen baitu. Berretsi dezakegu SmartKalearen erreplika aurreratua dela, eta gailu teknologiko berriak ezarriko direla, bizilagunen bizi-kalitatea eta saltokien lehiakortasuna, bereziki digitala, hobetzeko. Era berean, sentsibilizazioaren eta informazioaren bitartez, espero dugu eragina izatea merkatuak mugikortasun elektrikoaren eremuan eskaintzen dituen aukera ezberdinen gainean".

 

Donostiako Alkateordetzaren eta Antso Jakituneko bizilagunen artean lortutako akordioa sinatuta, beste urrats bat emango da Amara auzoko kale honetako zenbaki bakoitietako espaloia birmoldatzeko; horrela, smart ekimen berria garatuko da, eta inguruneari aurrezpen energetiko eta ekonomikorako teknologia berriak eskainiko dizkio, ekimenarekin bat egiten duten saltokientzat nahiz etxebizitzentzat.

 

Jabeen erkidegoekin eta merkatariekin lortutako akordioan, zenbait jarduera aurreikusten dira zona horretako lur azpiko aparkalekuetan hezetasun eta ura sartzearen gaineko arazoak konpontzeko; era horretan, horren truke, espazio pribatuak utziko dituzte aurreikusitako eremua berritzeko lanak burutu ahal izateko. Etorkizuneko Antso Jakitunean, berdeguneak mantenduko dira, baina parterreak errepidetik hurbilen dagoen zatira eramango dira. Hamaika metroko zabalerako etengabeko espaloi zabala sortuko da. Zona horren eta galtzadaren artean, berriz, 5,5 metroko zabalerako berdegunea sortuko da, Indi gaztainondo arrunten bi ilarek mugatuta, eta Donostibusen markesinetara, bizikleten aparkalekuetara eta edukiontzien irlatxoetara joateko igarobideak jarriko dira.

 

Antso Jakitunaren kalearen smart garapenean, ondorengo jarduerak egingo dira:

  • Antso Jakitunerako argiztapen adimentsua aurreikusi da, led teknologiako luminariekin, eta pertsonak detektatzeko sistema, argiaren intentsitatea gehitzen edo gutxiagotzen duena oinezkoen presentziaren arabera.
  • Gailu ezberdinak jartzearen inguruko azterketa, tartean gailu mugikorrentzako USB kargagailuak dituen smart eserlekua.
  • Edukiontzi adimentsuak, kaleko saltokietan nahiz etxebizitzetan, herritarrek aurrezpen energetiko garrantzitsuak izateko.
  • Saltokien kanpoan nahiz barruan pertsonak zenbatzeko sistema; horrela, datu garrantzitsuak eskuratu ahal izango dira etorkizunean erabakiak hartu ahal izateko.
  • SmartKalea Experience: beacon teknologia, kale horretako saltokiek sustapen-mezu ezberdinak egin ahal izateko, bezeroak lortze aldera. ATPoints aplikazioari esker, telefono mugikorrean sustapenak denbora errealean jaso ahal izango dira (bluetooth aktibatuta izanik), Donostiako smart kale horretan paseatzerakoan, denda baten aurretik igarotzean. Horretarako, gailu fisiko txiki batzuk, balizak edo beacon-ak deitzen direnak, jarriko dira establezimenduetan, eta bluetooth seinaleak bidaliko dituzte establezimendu bakoitzari buruzko informazio zehatzarekin.

 

Honako hau Donostiako hirugarren SmartKalea edo kale adimentsua da. Aitzindaria Alde Zaharreko Kale Nagusia da, 2014an estreinatu zena; %53ko aurrezpen energetikoak lortu ditu argiteria publiko adimentsuari esker, eta etxeko kontsumoan %12ko aurrezpenak. Kale Nagusiaren ondoren, Altzako Pasealekua prestatu zen, 2017. urtean.

Azken Berriak

Smartkalea proiektuan ideia berriak bilatzen dira!

SmartKalea proiektuaren Ideien Deialdian Eskabideak aurkezteko epea irailaren 30erarte luzatuko da. SmartKalea proiektuaren Ideien Deialdiaren edizio berria. Donostiako Sustapenak SmartKalea proiekturako smart produktuen edo zerbitzuen ideiak aurkezteko hirugarren deialdia zabaldu du. Donostiako SmartKalea proiektuaren baitan sartzen den deialdi honek hiriaren berrikuntza teknologikoa sustatzea du xede enpresei lagunduz eta negozio-aukera berriak sortuz ...

SmartKalea proiektuak Altzan hondakinak murriztea lortu du

Azterketa batek egiaztatu du zigarro-mutxikinek %12 behera egin dutela. Donostia Sustapenak abian jarritako Smartkalea proiektuak azterketa bat burutu du Altza Pasealekuan, kaleen garbiketa zerbitzuan biltzen diren hondakinei buruzkoa, datu monitorizazioaren bidez, eta egiaztatu du gehien agertzen den hondakinak, tabako zigarro-mutxikinena, alegia, %12 behera egin duela, hiritarrak kontzientziatzeko garatutako kanpainari esker. Helburu hori lortzeko, hainbat neurrien artean, tanga zilindriko garden bat instalatu zen bildutako zigarro-mutxikinekin eta hautsontzi eramangarriak banatu ziren ...

Donostia, Europako Smart hiri nagusien anfitrioia

Martxoaren 26an eta 27an, Donostia European Smart Projects Summit ekimenaren anfitrioi bilakatu zen; hain zuzen ere, ekitaldi horretan bildu ziren Smart ekosistemako agente ezberdinak, Londres, Rotterdam, Bartzelona edo Florentzia bezalako Europako 100 bat hiritatik etorritakoak, hiri adimentsuen eta iraunkorren garapenerako esperientziak, ezagutzak, erronkak eta etorkizuneko helburu giltzarriak partekatze aldera. Donostiak, Donostiako Sustapenaren bitartez, Txomineneko ekoauzoan Smart eremuan burutzen ari diren ezarpen ezberdinak erakutsi zizkien parte-hartzaileei ...

Smartkalea proiektuak altzako hondakinen erradiografia egun du

Smartkalea proiektuak Donostiako Sustapenak koordinatzen duena, kaleen garbiketa bidez biltzen diren hondakinen azterketa egin du eta hondakin ugarienak zigarrokinak direla egiaztatu du; ondoren, pipa azalak, paperezko ezpainzapiak eta snack boltsak direlarik. Hiritarrak hondakin kopurua murriztea lortzea sentsibilizatzeko helburuarekin, jasotako zigarrokinez beteriko depositu zilindriko garden bat instalatu da eta hautsontzi eramangarriak banatzen ari dira ...

Donostia Sustapenak Smartkalea proiektua aurkeztu du Europako BY&FORCITIZENS biltzarrean

Irailaren 20an Donostia Sustapenak SmartKalea proiektua aurkeztu zuen Hirien eta Eskualdeen Smart Birsorkuntzari buruzko BY&FORCITIZENS biltzarreko lehenengo edizioan, Valladoliden, Gaztela Leoneko Juntak, Valladolideko Udalak, Cartif entitateak eta ICEk antolatuta. Ekitaldiak nazionalitate desberdineko sektore publiko eta pribatuko 250 lagun bildu zituen eta Europar Batzordeko ordezkaritza izan zuen. Bertan, esperientziak, ideiak eta hiriak birsortzeko praktikarik hoberenak partekatu ahal izan ziren, ikuspegi iraunkorpean.