SmartKalearen webgune berriak aukera ematen du kontsumo- eta aurrezpen-datuak denbora errealean ikusteko

 

Webgune berrian, monitorizazio-plataforma baten bidez, Donostiako Parte Zaharreko Kale Nagusian eta Altza Pasealekuan ezarri den proiektu honetan parte hartzen duten etxebizitza eta saltokietako energia- eta ur-kontsumoak kontsultatu daitezke, bai eta argiteria publiko adimendunaren kontsumoak eta gune monitorizatuetan zenbat jende ibiltzen den ere. Gainera, informazio meteorologikoarekin eta kultur ekitaldiekin osatzen da informazio hori, eta, horri esker, ikusten da nola eragiten dioten horrelako aldagaiek han ibiltzen den jende-kopuruari. Beraz, lortutako batezbestekoei buruzko adierazleak, joera-grafikoak eta munduko beste leku batzuetako kontsumoekiko alderaketak lortzen dira.

 

Donostiako Alkateordetzak, Sustapen Elkartearen bidez, SmartKalea proiektuan monitorizatzen ari diren datu irekiak argitaratzeko plataforma bat plazaratu du. Proiektuko sistema guztiak kudeatzeko eta integratzeko smart plataforma baten bidez monitorizatzen ari diren sistemen denbora errealeko datu dinamikoak argitaratzen ditu webguneak. Ernesto Gasco alkateordeak adierazi zuenez, “zenbait urtez buru-belarri lan egin ondoren SmartKalea proiektuan zenbait gailu teknologiko txertatzeko, gaur atseginez ikus dezakegu webgune horren bidez integratutako eta alderatutako informazio guztia, eta smart datuak eta adierazleak behar bezala interpretatzeko kultura bat sortzen jar dezakegu arreta”.

 

SmartKalea proiektua 2014an abiatu zen —Parte Zaharreko Kale Nagusian ezarri zen orduan—, eta, 2016az geroztik, Gipuzkoako Foru Aldundiak ere finantzatzen du, Mugikortasun eta Lurralde Antolaketa Sailaren bidez, proiektua Altza auzora ere hedatzeko.

 

Webgunean, datuen eguneko eta urteko egoeraren adierazleak eta bilakaera-grafikoak ikus daitezke, eta, horrez gain, auzoetako ezaugarri-iragazkiak ezar daitezke, saltokika edo etxebizitzaka xehatu daiteke… Gainera, webguneak datu horien azalpenak eta baliokideak ematen ditu, errazago uler daitezen. Bestalde, SmartKaleko kontsumoak munduko beste leku batzuetako kontsumoekin alderatu daitezke, eta ikus daiteke, halaber, zenbat aurreztu den kaleko azpiegituran eta proiektuan parte hartzen duten saltoki, ostalaritza-establezimendu eta etxebizitzetan baliabideak eraginkortasunez erabiltzeari eta optimizatzeari esker. Jende-kopuruaren datuen kasuan, aurreko eguneko datua hilabete bereko eredu-egun batekoarekin eta asteko egun berekoarekin alderatu daiteke, bai eta egun seinalatuetako jende-jarioarekin ere, hala nola Danborrada-egunekoa, Ama Birjinaren bezperakoa, Estropada-egunekoa eta San Tomas egunekoa, egun horietan izugarri igotzen baita Donostiako Parte Zaharreko jende-jarioa. Alderaketa horiei esker, herritarrek jakin dezakete, adibidez, zenbat jende ibiltzen den asteko egun bakoitzean.

 

smartkalea presentación contenido1

 

SmartKalea proiektuaren sistemak kudeatzeko eta integratzeko smart plataforma Ikusi enpresak garatu du. Enpresa hori Donostiako Sustapeneko Smart Klusterreko kide da, eta proiektuan parte hartzen ari diren enpresa teknologikoetako bat da. Ikusi enpresaz gain, tokiko beste zenbait enpresa teknologikok ere hartzen dute parte proiektuan. Haiek beren ezagutza ekartzen dute, eta beren teknologia probatzen dute hiriko benetako inguruneetan.

 

Hala, enpresa hauek hartzen dute parte, besteak beste: Uhin Energia (energia-eraginkortasunaren inguruko aholkularitza ematen du, bai eta energia-kontsumoak monitorizatzeko irtenbideak ere), Dinycon (oinezkoen jarioa monitorizatzeko sistemak ematen ditu), Leycolan enpresa teknologikoa (argiteria adimendunaren sistema instalatu du), In Situ aholkularitza-enpresa (saltokientzako aholkularitza eta IKT irtenbideak eskaini ditu) eta Idom (laguntza ematen du smart aholkulari gisa).

 

Webgunean, Jardunbide Egokien Gida bat ere deskargatu daiteke, bata herritarrei zuzendua eta bestea saltokiei eta ostalaritza-establezimenduei zuzendua. Gida horretan, aholku praktiko eta errazak ematen dira, nola optimizatu energia-baliabideak eta ur-kontsumoak eta nola murriztu haiei lotutako kostuak. Horren helburua da herritarrek gomendio erraz batzuk izatea eskura, beren kontsumoak hobetu daitezen eta merkeago ordaindu ditzaten, bai eta jasangarritasunaren eta energia-eraginkortasunaren arloko kontzientziazioa sustatzea ere.

 

SmartKalea Donostiako Sustapenaren ekimen aitzindari bat da, zenbait smart inplementaziotan oinarritua eredu integral bat probatzeko eta baliozkotzeko, beste eremu geografiko batzuetan errepikatu dadin eta Donostia smart erreferentzia-puntu bihur dadin. SmartKaleak ingurumen-jasangarritasuna, energia-eraginkortasuna, herritarren parte-hartzea eta gardentasuna bultzatzen ditu. Horretarako, tokiko enpresa teknologiko laguntzaileen puntako teknologia erabiltzen du, eta datuak proiektuaren smart plataforman txertatzen ditu, haiek monitorizatzeko eta adierazleak lortzeko.

 

Proiektuak, gainera, lankidetza-eredu publiko-pribatu berritzaile bat du, zeinak smart ikuspegitik integratzen baititu hiriko eremu batean biltzen diren eragileak: herritarrak, negozioak, enpresa teknologikoak eta udal sailak (Ingurumena, Mantentze Lanak eta Hiri Zerbitzuak…), Donostiako Sustapenaren koordinaziopean. Horrez gain, Gipuzkoako Foru Aldundia ere ari da proiektua finantzatzen.

 

smartkalea presentación contenido2

 

2014an, Kale Nagusian hasi zen inplementatzen SmartKalea proiektua, Donostiako Parte Zaharreko oinezkoentzako kale enblematikoan, hain justu. Pilotuaren emaitza onei esker, aurrera jarraitu ahal izan da proiektuarekin, eta hiriko beste eremu batzuetan errepikatu da. Hala, 2016an, Parte Zahar osoan eta Altza auzoan egin dira jarduerak. 2018an, aurreikusita dago Amarako Antso Jakituna kalean esku hartzea, eta SmartKalea proiektua Altzako auzo osora zabaltzea, Parte Zaharrean lanean jarraitzeaz gain.

 

SmartKalea ekimen aitzindaria da estatu-mailan, eta energia-eraginkortasunaren zenbait irtenbide integratzen ditu hiriko kale bakar batean. Irtenbideok eskala txikian behar duten koordinazio- eta integrazio-mailak pixkanaka hiriaren gainerakora heda daitekeen esperientzia pilotu gisa balio dezake. SmartKalea proiektuaren esperientziari esker, proiektua beste auzo batzuetan errepikatu daitekeenez, epe laburragoetan lor daitezke emaitzak energia- eta kontsumo-aurrezpenean, lortutako egiten jakiteaz baliatzen baita. Horretarako, tokiko eragile publiko-pribatu parte-hartzaileen artean lehendik zegoen koordinazioa, lan-metodologia frogatu bat, jardunbide egokiak eta etxebizitza- eta negozio-moten eta abarren araberako aurrezpen-neurriak erabili dira. Haiei esker, aurrerapauso handiak ari dira ematen Donostia hiriko smart estrategia gauzatzen.

 

 

Azken Berriak

Smartkalea proiektuan ideia berriak bilatzen dira!

SmartKalea proiektuaren Ideien Deialdian Eskabideak aurkezteko epea irailaren 30erarte luzatuko da. SmartKalea proiektuaren Ideien Deialdiaren edizio berria. Donostiako Sustapenak SmartKalea proiekturako smart produktuen edo zerbitzuen ideiak aurkezteko hirugarren deialdia zabaldu du. Donostiako SmartKalea proiektuaren baitan sartzen den deialdi honek hiriaren berrikuntza teknologikoa sustatzea du xede enpresei lagunduz eta negozio-aukera berriak sortuz ...

SmartKalea proiektuak Altzan hondakinak murriztea lortu du

Azterketa batek egiaztatu du zigarro-mutxikinek %12 behera egin dutela. Donostia Sustapenak abian jarritako Smartkalea proiektuak azterketa bat burutu du Altza Pasealekuan, kaleen garbiketa zerbitzuan biltzen diren hondakinei buruzkoa, datu monitorizazioaren bidez, eta egiaztatu du gehien agertzen den hondakinak, tabako zigarro-mutxikinena, alegia, %12 behera egin duela, hiritarrak kontzientziatzeko garatutako kanpainari esker. Helburu hori lortzeko, hainbat neurrien artean, tanga zilindriko garden bat instalatu zen bildutako zigarro-mutxikinekin eta hautsontzi eramangarriak banatu ziren ...

Donostia, Europako Smart hiri nagusien anfitrioia

Martxoaren 26an eta 27an, Donostia European Smart Projects Summit ekimenaren anfitrioi bilakatu zen; hain zuzen ere, ekitaldi horretan bildu ziren Smart ekosistemako agente ezberdinak, Londres, Rotterdam, Bartzelona edo Florentzia bezalako Europako 100 bat hiritatik etorritakoak, hiri adimentsuen eta iraunkorren garapenerako esperientziak, ezagutzak, erronkak eta etorkizuneko helburu giltzarriak partekatze aldera. Donostiak, Donostiako Sustapenaren bitartez, Txomineneko ekoauzoan Smart eremuan burutzen ari diren ezarpen ezberdinak erakutsi zizkien parte-hartzaileei ...

Smartkalea proiektuak altzako hondakinen erradiografia egun du

Smartkalea proiektuak Donostiako Sustapenak koordinatzen duena, kaleen garbiketa bidez biltzen diren hondakinen azterketa egin du eta hondakin ugarienak zigarrokinak direla egiaztatu du; ondoren, pipa azalak, paperezko ezpainzapiak eta snack boltsak direlarik. Hiritarrak hondakin kopurua murriztea lortzea sentsibilizatzeko helburuarekin, jasotako zigarrokinez beteriko depositu zilindriko garden bat instalatu da eta hautsontzi eramangarriak banatzen ari dira ...

Donostia Sustapenak Smartkalea proiektua aurkeztu du Europako BY&FORCITIZENS biltzarrean

Irailaren 20an Donostia Sustapenak SmartKalea proiektua aurkeztu zuen Hirien eta Eskualdeen Smart Birsorkuntzari buruzko BY&FORCITIZENS biltzarreko lehenengo edizioan, Valladoliden, Gaztela Leoneko Juntak, Valladolideko Udalak, Cartif entitateak eta ICEk antolatuta. Ekitaldiak nazionalitate desberdineko sektore publiko eta pribatuko 250 lagun bildu zituen eta Europar Batzordeko ordezkaritza izan zuen. Bertan, esperientziak, ideiak eta hiriak birsortzeko praktikarik hoberenak partekatu ahal izan ziren, ikuspegi iraunkorpean.