Smartkalea proiektua presentatu da Donostian ospatu den Eurocities Garapen Ekonomikoaren Foroan

 

Ekonomia Bultzatzeko Zinegotzigoa, Donostiako Sustapenaren bitartez (sareko erakunde kidea bezala), Eurocities Garapen Ekonomikoaren Foroaren bileraren anfitrioia izan zen. Eurocities Europako hirien sare garrantzitsuena da. Era horretan, hiru egunez (apirilak 24-26), hirian bildu ziren Europako 25 herrialdetako 80 hiritik gorako arduradun politikoak eta teknikoak, berrikuntzak duen garrantziaz eta Europa lehiakorragoa eraikitzeko hiriek duten eginkizunaz aritzeko.

 

Apirilaren 24an, 25ean eta 26an, Miramar Jauregian eta Talent House eraikinean egin ziren Eurocities Garapen Ekonomikoaren Foroan (EDF) aurreikusitako bilerak. Topaketaren helburua zen, batetik, hiriek tokiko berrikuntzako ekosistema propioa sortzerakoan aurrean dituzten erronkak eta lorpenak eztabaidatzea eta, bestetik, Europa lehiakorragoa eta berritzaileagoa sustatzerakoan hiriek duten egitekoa aztertzea.

 

eurocities 2Ekonomia Bultzatzeko zinegotzia den Ernesto Gascok ondorengoa adierazi zuen: "topaketa hau hirian egiteak berrikuntzaren aldeko apustuan egindako gure lana eta Donostiarena saritzen du; berrikuntza funtsezko eta zeharkako elementua baita, hiriaren garapenerako. Ez da nola-halako onarpena; izan ere, Europako hirien sare garrantzitsuenaren anfitrioiak izan gara, Europarentzat kritikoa den gai batean, eta hor hiriek oinarrizko rola bete dezakegu eta bete behar dugu. Era berean, egun hauetan, garatzen ari garen estrategia eta programa ezberdinak erakutsi ahal izango ditugu, bereziki Talentuaren eremuan eta Donostiak Smart City gisa egindako apustua ere bai. Halaber, nazioarteko lankidetza eta itun berriak egin ahal izango ditugu hiriarentzat berrikuntzaren arloan".

 

Topaketaren hiru egunetan zehar, Garapen Ekonomikoaren Foroan (EDF), tailerrak, mintegiak eta maila altuko eztabaida politikoak egin ziren, eta berrikuntzarekin, ekintzailetzarekin, talentuarekin edo enpresa-arloko ekosistema berarekin zerikusia duten tokiko politikak diseinatzeko eta abian jartzeko lana partekatu eta sakondu ahal izan zen. Horrez gain, parte-hartzaileek aukera izan zuten Donostian burutzen diren zentro eta ekimen berritzaile ezberdinak bisitatzeko; hala nola, Nanoteknologiako ikerketa-zentroa, CIC-Nanogune, Energia berritzaileetarako eta Energia Eraginkortasunerako Enertic zentroa (Sustapenarena) eta surf eremukoekimen ezberdinak, sektore estrategiko eta hiriaren apustu gisa.

 

 

Donostiak topaketa honetan parte hartuta, parte-hartzaileei ondorengoak azaldu ahal izan zizkien: Replicate proiektua, Talentua konektatzeko, erakartzeko eta talentuari eusteko estrategia, San Sebastian Connecting Talent, edota Donostia Smart City plana.

 

Parte-hartzaileen topaketa ezberdinetan honako hauek bezalako gaiak jorratu ziren:

  • Talentua eta eskatutako trebetasun berrien garrantzia.
  • Smart Cities, Smart estrategien adibide ezberdinekin.
  • City Branding hirien posizionamendurako.
  • Berrikuntza eta Ikerkuntza tokiko garapen-politiketako funtsezko elementu gisa.
  • Eta Europako joerei buruzko esperientzien eta kasu praktikoen panel oso bat.

 

eurocities 3Lehen aldiz 200.000 biztanletik beherako hiri batek hartu du Eurocities sarearen maila altuko saio edo ekitaldia. Eta sareak berak nazioarteko erakundeetako lehen mailako ordezkariak izateko apustua egin zuen; esate baterako, ELGA eta Europako Batzordekoak. Halaber, ondorengo hiriak biltzen ere ahalegindu zen: Viena, Nantes, Munich, Londres, Amsterdam, Lisboa, Paris, Berlin, Eindhoven, Florentzia, Helsinki, Göteborg, Genova, e.a.

 

Eurocities Europako hiri handien sarea da. 1986. urtean sortu zen, eta, gaur egun, Europako 130 hiri handienetako tokiko gobernuak eta beste 40 hiri elkartu biltzen ditu. Guztien artean, 130 milioi hiritar gobernatzen dituzte 38 herrialdetan.

 

Gaikako foroen eta lan-talde, proiektu, jarduera eta ekitaldi sorta zabalaren bitartez, bazkideei plataforma bat eskaintzen die ezagutzak partekatzeko eta ideiak trukatzeko, eta EBko instituzioekin lan egiten dute Europako herritarrei eguneroko bizitzan eragiten dieten arazo arruntei erantzuteko asmoarekin.

 

Helburua da tokiko gobernuek maila anitzeko gobernantzaren egituran izan behar duten paper garrantzitsua indartzea. Bruselan alde interesatuen ikuspegiei forma ematen ahalegintzen dira, eta, azken finean, EBren legediaren ikuspegia aldatzen, udal gobernuek toki-mailan erronka estrategikoei aurre egiteko aukera izan dezaten.

 

 

eurocities-991
eurocities-992
eurocities-993
eurocities-994
eurocities-995
eurocities-996
eurocities-997
eurocities-998
eurocities-999
eurocities-9991
eurocities-9992
eurocities-9993

 

 

 

 

 

Azken Berriak

Smartkalea proiektuan ideia berriak bilatzen dira!

SmartKalea proiektuaren Ideien Deialdian Eskabideak aurkezteko epea irailaren 30erarte luzatuko da. SmartKalea proiektuaren Ideien Deialdiaren edizio berria. Donostiako Sustapenak SmartKalea proiekturako smart produktuen edo zerbitzuen ideiak aurkezteko hirugarren deialdia zabaldu du. Donostiako SmartKalea proiektuaren baitan sartzen den deialdi honek hiriaren berrikuntza teknologikoa sustatzea du xede enpresei lagunduz eta negozio-aukera berriak sortuz ...

SmartKalea proiektuak Altzan hondakinak murriztea lortu du

Azterketa batek egiaztatu du zigarro-mutxikinek %12 behera egin dutela. Donostia Sustapenak abian jarritako Smartkalea proiektuak azterketa bat burutu du Altza Pasealekuan, kaleen garbiketa zerbitzuan biltzen diren hondakinei buruzkoa, datu monitorizazioaren bidez, eta egiaztatu du gehien agertzen den hondakinak, tabako zigarro-mutxikinena, alegia, %12 behera egin duela, hiritarrak kontzientziatzeko garatutako kanpainari esker. Helburu hori lortzeko, hainbat neurrien artean, tanga zilindriko garden bat instalatu zen bildutako zigarro-mutxikinekin eta hautsontzi eramangarriak banatu ziren ...

Donostia, Europako Smart hiri nagusien anfitrioia

Martxoaren 26an eta 27an, Donostia European Smart Projects Summit ekimenaren anfitrioi bilakatu zen; hain zuzen ere, ekitaldi horretan bildu ziren Smart ekosistemako agente ezberdinak, Londres, Rotterdam, Bartzelona edo Florentzia bezalako Europako 100 bat hiritatik etorritakoak, hiri adimentsuen eta iraunkorren garapenerako esperientziak, ezagutzak, erronkak eta etorkizuneko helburu giltzarriak partekatze aldera. Donostiak, Donostiako Sustapenaren bitartez, Txomineneko ekoauzoan Smart eremuan burutzen ari diren ezarpen ezberdinak erakutsi zizkien parte-hartzaileei ...

Smartkalea proiektuak altzako hondakinen erradiografia egun du

Smartkalea proiektuak Donostiako Sustapenak koordinatzen duena, kaleen garbiketa bidez biltzen diren hondakinen azterketa egin du eta hondakin ugarienak zigarrokinak direla egiaztatu du; ondoren, pipa azalak, paperezko ezpainzapiak eta snack boltsak direlarik. Hiritarrak hondakin kopurua murriztea lortzea sentsibilizatzeko helburuarekin, jasotako zigarrokinez beteriko depositu zilindriko garden bat instalatu da eta hautsontzi eramangarriak banatzen ari dira ...

Donostia Sustapenak Smartkalea proiektua aurkeztu du Europako BY&FORCITIZENS biltzarrean

Irailaren 20an Donostia Sustapenak SmartKalea proiektua aurkeztu zuen Hirien eta Eskualdeen Smart Birsorkuntzari buruzko BY&FORCITIZENS biltzarreko lehenengo edizioan, Valladoliden, Gaztela Leoneko Juntak, Valladolideko Udalak, Cartif entitateak eta ICEk antolatuta. Ekitaldiak nazionalitate desberdineko sektore publiko eta pribatuko 250 lagun bildu zituen eta Europar Batzordeko ordezkaritza izan zuen. Bertan, esperientziak, ideiak eta hiriak birsortzeko praktikarik hoberenak partekatu ahal izan ziren, ikuspegi iraunkorpean.