logo ayuntamiento cabecera

Hondartzen seinaleztapenaren aurkezpena udako denboroldiaren hasieran

Panelek hondartzen funtsezko ezaugarriak, morfologia, olatuak, korronteak, segurtasun-gomendioak edo surf-kodea azaltzen dituzte. 

 

Euskal kostaldeak, bere berezitasunean, Donostiako turismoarentzat duen garrantzia” nabarmendu du Lehen Alkateorde eta Turismoko zinegotzi ordezkari Ernesto Gascok. "Gure hondartzak hiriaren kalitatearen eta Donostiak eskaintzen dituen zerbitzu eta aukeren erakusle garbiak dira. Ondorioz -gaineratu du Ernesto Gascok- begi onez ikusten dugu Eusko Jaurlaritzak Donostiako hiri-hondartzen berezitasuna balioan jarri izana, gaur hona bertaratuz, bai eta hiriak atsedenerako, aisiarako, bainurako eta surfa bezalako nazioarteko kirol-jarduerez gozatzeko eskaintzen dituen aukerak ere". “Donostia kalitateko jomuga dela eta bizi-kalitatea lehenesten duela berrestera baitator".

Ernesto Gasco Alkarteordeok, Alfredo Retortillorekin, Turismo, Merkataritza eta Kontsumo Saileko sailburuarekin, hondartzen seinaleztapena aurkeztu du gaur arratsaldean denboraldiaren hasierarekin batera, Zurriolako hondartzan paneletako bat ipinita. 

Zurriolakoa Turismo Sailak 15 hondartzatan jarriko dituen paneletariko bat da. Dagoeneko Arena, Getxo, Mundaka, Plentzia, Bakio, Deba, Getaria, Karraspio, Zumaia eta Zurriolako hondartzetan badaude jarrita. Panelek hondartzen funtsezko ezaugarriak, morfologia, olatuak, korronteak, segurtasun-gomendioak edo surf-kodea azaltzen dituzte. 

“Gaur aurkezten dugun bezalako kartelek gure hondartzak eta beren ingurunea ezagutarazten lagunduko dute, baina horrez gain, Euskadiri seinaleztapena argia, bateratua, egituratua eta adostua emateko helburuaren barruan kokatu behar ditugu. Ekimen horrek turistak informatzeaz gain, eskaintza turistikoa irudi homogeneoa izanda erakusten du” azaldu du Retortillok. 

Panel horiek ingurunearen planen eta baliabideen neurrira egindako informazio interesgarria eskaintzen diete bisitariei. Sailburuak esan duen moduan, “esan dezakegu bisitatzen gaituen turismoaren erdiak kostaldeko helmuga izanda egiten duela. Hain zuzen ere, hori aukeratzen dutenek haien jarduerarik gogokoen artean, udalerrietan bizimodua egitea, hirietatik eta herrietatik kalez kale ibiltzea eta gastronomiari lotutako jarduerak egitea dago”. 

Hori guztia dela eta, sailburuaren hitzetan, “planak eta esperientziak aldi berean egiteko gaitasuna daukagu; horrela, bisitariak hondartzara joko du surf egitea arrazoi nagusia izanda edo gure hondartzetara joango da beste hainbat jardueraz gozatzera.”

 

SurfCity Donostia NEWSLETTER-A

logo suscripcion 

¿DONOSTIA

SURFCITY-KO KIDE

IZAN NAHI DUZU?


Donostia Surf City-ren klusterreko kide izateko, jar zaitez gurekin harremanetan fomentoss@donostia.eus helbidera idatzita. Besteak beste, adierazi enpresaren izena, jarduera, harremanetarako pertsona, telefonoa eta e-maila.