logo ayuntamiento cabecera

Europako eta nazioarteko sareak

Sareko lana funtsezko ardatz egituratzailea da Donostiako Sustapenaren jardueretan. Ildo horretan, Europar Programen Sailak sareetan, batik bat europarretan, hartzen du parte, esperientziak trukatzeko eta baterako proiektu berriak garatzeko.

 

Honako nazioarteko sare hauetan ari da parte hartzen:

 

 

Arku Atlantikoko Hirien Konferentzia

Portugaleko, Espainiako, Frantziako, Erresuma Batuko eta Irlandako 40 hiri kide inguru ditu. Hiru batzorderen edo sailen bidez bideratzen dituzte lanak. Hona hemen batzorde bakoitzaren eskumeneko gaiak:

  • Hiri-garapen iraunkorra
  • Estrategia eta koordinazioa
  • Hiri erakargarri eta solidarioak

 

Donostiako Sustapena Hiri Erakargarri eta Solidarioen Batzordeko lantaldearen burua da, gaur egun, eta zuzendaritza-taldeko kidea ere bai.

ERNACT: European Regions Networks for the Application of Communications Technology

Europako eskualdeen sarea, komunikazio-teknologiak ezartzea helburu duena.

 

ERNACTeko eskualde eta hiriek eginahalak egiten dituzte EBko hiri eta eskualdeetan informazio-gizartearen alde onak ezagutzera emateko eta, era berean, teknologia berriak garatzeko ereduak ezartzeko.

 

Eurocities

Europako hiri nagusiak ditu partaide. EBrekin elkarlanean, europarren eguneroko bizitzan eragina duten gaiei erantzuten saiatzen dira, Bruselako kideek azken lege-aldaketei buruz dituzten iritziak lantzeko. Izan ere, estatu- eta udal-gobernuei EBko erronkak toki-mailan ezartzen laguntzea da horren guztiaren helburua, udal-gobernuei maila guztietako gobernu-egituretan dagozkien betebeharrak eta tokia indartzeko.