logo ayuntamiento cabecera

Altza-n baratza profesionala lortzeko epea irekita jarraitzen du

  • Auditz Akularren kokatzen dira.
  • Lehen urtean, lursaila doakoa izango da.
  • Produkzioa supermerkatu nagusietan banatzea erraztuko da.

 

Donostiako Sustapenak Donostia Urban Lur proiektua abian jarri du, nekazaritza-sektorea ezagutzea sustatzeko asmoarekin. Hain zuzen ere, nekazaritzako produktuen ekoizpenean oinarritutako enpresa-proiektua abian jarri nahi duten herritarren eskura ondorengoak jarriko ditu: laborantzarako lursaila eta azpiegitura egokiak, lana egiteko tresnak, nekazaritza eta negozio arloko prestakuntza teknikoa eta produktuak merkaturatzeko laguntza eta aholkularitza.

 

Donostia Urban Lur proiektuak sei pertsona ekintzaileri 2,74 hektareako espazioa eskaintzen die, 4.000 eta 6.000 metro karratu arteko sei partzelatan zatituta. Horiek guztiek ur-hornidura, 380 metroko negutegi-tunela eta ibilgailu mekanikoentzako sarbidea dituzte. Halaber, Fraisoro eskola profesionalak nekazaritzako prestakuntza teknikoaren ibilbidea eskainiko die erabiltzaileei, edota ekintzailetza-proiektua gauzatzeko enpresa-prestakuntza eta produktuak merkaturatzeko aholkularitza eta laguntza ere bai.

 

Partzelen alokairuaren onuradunak izateko aukera izango dute oinarrietan ezarritako baldintzak betetzen dituzten pertsona fisikoek. Partzelak esleitzeko, ondorengo alderdiak baloratuko dituen puntuazio-sistema izango da kontuan:

  • Aurkeztutako proiektuaren diseinua eta kalitatea.
  • Proiektuaren bideragarritasuna.
  • Proiektuaren garapen iraunkorra: ekoizpen ekologikoko ustiapenak.
  • Prestakuntza. Prestakuntza espezifikoa beharrezkoa ez den arren, nekazaritzarekin lotutako ikasketak kontuan hartuko dira.

Baratza hiru urteko denboraldirako emango da; lehen urtean %100eko hobaria izango da, eta gainerakoetan hilero 350 €-ko errenta ordaindu beharko da.

 

Altzako Auditz Akularren kokatutako partzelak egokitzeko lanak martxan dira, bideak eta sarbideak egokituko dituzte, urak kanalizatu eta denek erabiltzeko espazio bat eraikiko dute, tresnak eta nekazaritzako makineria gordetzeko. Interesatuek eskaera egin ahal izango dute Donostiako Sustapenaren web orrialdean:

 

Guztiona newsletter-a

Azken berriak

2019-urtean-san-sebastian-gipuzkoa-film-commission-en-elkarlanarekin-egindako-filmatzeek-10-milioi-euroko-inpaktu-ekonomikoa-eragin-dute-gipuzkoako-lurraldean
Woody Allen zuzendari estatubatuarraren filmak eta “Patria” (HBO) eta... gehiago
lehen-izapideak-talent-house-ii-martxan-jartzeko
Donostiako Udaleko Gobernu Batzarrak bihar emango du baimena hiriak beste eraikin... gehiago
overlock-taldeak-axular-first-lego-league-euskadi-donostia-txapelketa-irabazi-du
Auzotarrek kudeatutako fatxadetarako lorategi bertikal mugigarriak, barruko... gehiago
first-lego-league-euskadi-lehenengoz-iritsiko-da-donostiara-datorren-otsailaren-8an
Gipuzkoako hiriburua izango da, Deusto (Bilbo) eta Arrasaterekin batera, FIRST LEGO... gehiago

Azken ekitaldiak

nekazaritzako-elikagaien-sektoreko-negozio-ereduak-klima-aldaketaren-ondorioz
«Hiria nekazaritzako elikagaien sistema gisa: hirien erronka handia hurrengo urteetarako.... más
donostian-sustepenak-parte-hartu-zuen-bartzelonako-smart-city-expo-world-congress-en
FoDonostiako Sustapenak (Sustapen Ekonomikorako Zinegotzigoak) laugarren urtez jarraian parte hartu zuen... más
donostia-smart-klusterrak-viena-bisitatu-du-bertako-smart-estrategia-ezagutzeko
Sustapen Ekonomikorako Zinegotzigoak Donostia Sustapenaren bidez antolatutako misio komertzialak... más
FacebookTwitterLinkedin