Donostia Sustapenak osasun arloko berrikuntza aztertzen du

Xehetasunak

Berriak

Ostirala, 2019 Ekaina 28

Ekainaren 19an Turinen e_Health & Ecosystems Mintegia antolatu zen, Interreg Europa “ecoRIS3” proiektuaren esparruaren barruan, non Donostia Sustapena da koordinatzaile nagusia. Mintegi honen helburua Osasun esparruko berrikuntza aukerak esploratzea eta aztertzea izan zen, osasun sistemek Europa osoan aurre egin beharreko erronkeei erantzun ahal izateko.

Teknologia digitalak errealitate bihurtu dira gaur egungo gizarteetan. Osasun sektorea guztiz berritzeko aukera eskaintzen dute, eta gaixoak aipatutako sektorearen xede bilakatzen dituzte. Osasun elektronikoko teknologiek, produktuek eta zerbitzuek aukera handiak eskaintzen dituzte praktika klinikoak aldatzeko, hiritarren ongizatea hobetzeko eta osasun zerbitzuak eskaintzen diren eta gaixoak artatzen diren era guztiz alda lezakete.

Aldaketa hauek pertsonei eta profesionalei on egin ez ezik, osasun sistemen jasangarritasunari ere egingo die. Eszenatoki berri eta konplexu honetan, hainbat teknologia eta soluzio garatu beharko dira, pertsonarengan murgiltzen den arreta bat bideratu ahal izateko, eta baita berrikuntza digitala lurralde osasun sistemetan eta nazionaletan “sartzeko” ere.

Erronka hauei heltzeko, osasun munduko eragile eta profesional desberdinek, Berrikuntza ekosistema desberdinen ordezkariek, eta publikoak, oro har, parte hartu zuten mintegi honetan. Horiek hainbat gai sakon aztertu zituzten, besteak beste: ikuspegi desberdinak Europak osasun digitaleko esparruko ikerketari eta berrikuntzari eman beharreko laguntza, osasun sistemen eraldatze digitala eta lurralde garapenaren arteko lotura eta, azkenik, merkatuan dauden berrikuntzak, garapenak eta mugak.

Donostia Sustapenaren eskutik, BioMagune Ikerketa Zentroko ordezkariek eta bere Asparia Glycomics spin off-ek hartu zuten parte.

Eragile hauek guztiek bat egin zuten berrikuntza garrantzitsuak garatzeko eta gain hartzeko premiari dagokionez, non eragile guztiek modu aktiboan parte hartzen duten (agintari nazionalak eta eskualdekoak, osasun eta gizarte langileak, industria, gaixoak, zerbitzuen hornitzaileak, ikertzaileak eta EBko erakundeak), “irabazi hirukoitzeko” eredu bat sortzeko helburuarekin, pertsonen, osasun sitemen eta merkatuaren onurarako.

Torinoko Città Metropolitana-k garatutako programaren barruan, ecoRIS3 proiektuaren bazkideek hainbat azterlan bisitetan parte hartu zuten:

• Molecular Biotechnology Center: bere jarduera nagusia Bioteknologietan eta zientzia biomedikoetan, eta bere laborategietan murgiltzen da: Euro Bio Imagine & Irudien Zentro Molekularra.
• Cell Factory, Torinoko Unibertsitatearen ikerketa zentroa oinarri genetikoa duten gaixotasunen azterketetarako eta esperimentazio klinikorako,
• 2i3T Inkubagailua eta Turineko Unibertsitatearen transferentzia teknologikoko bulegoa.

Hurrengo egunean proiektuaren bazkide guztiek azterlan bisiten saio berri batean parte hartu zuten, honako hau barne hartuta:

• Bioindustry Park, enpresa biomedikoen enpresa gunea. Haren titulartasun handiena Piemonte eskualdekoa eta Torino hirikoa da. Hor elkarrizketak egin zitzaizkien gunearen beraren arduradunei, bioPmed klusterrari eta Bracco S.p.A eta Merck Group enpresei, teknologia digitalek farmazia industriaren ekoizpenean eta merkaturatze prozesuan dituzten zereginak aztertzeko.

Ondoren, gune bioindustrialean kokatutako hainbat enpresaren ordezkarien aurkezpenetara bertaratu ziren:

• LOGOSNET: e-Real plataforma prestakuntza, larrialdien kudeaketa, kirurgia prestakuntza simulatzeko.
• K-TREE: “weareable solutions” garapena abian jartzea adimen Artifiziala eta Prozesuen Meatzaritza erabiliz.
• BIOTECHWARE: Osasunerako produktu adimentsuak.