logo ayuntamiento cabecera

Ekonomia Bultzatzeko Zinegotzigoak Donostiako 800 lagunari itzultzeko aukera eskainiko die Tokiko Talentua Itzultzeko programaren bitartez

 

Donostiako Sustapenak Tokiko Talentua Itzultzeko ezarritako programaren helburua da arrazoi ezberdinak medio emigratu behar izan eta nazioartean aurkitzen diren profesional kualifikatuak hirira ekartzea. Donostiako Sustapenak UPV/EHUko Gipuzkoako Campuseko Errektoreordetzarekin batera egindako azterketaren arabera, Donostiako 800 bat unibertsitate-titulatu atzerrian edo Euskal Autonomia Erkidegotik kanpo aurkitzen dira, lanean, beka batekin edo ikasketak osatzen.

 

Horretarako, lanpostu ezberdinak sortuko dira hiriko enpresa eta erakunde ekarleetan, ezagutzarekin eta berrikuntzarekin loturiko proiektuetan. Kontratuak 35 urtetik beherakoentzat izango dira, gutxienez urtebetekoak, eta bakoitzak 52.000 €- ko diru-laguntza jasoko du.

 

Ekonomia Bultzatzeko, Merkataritzako, Ostalaritzako eta Turismoko zinegotzia den Ernesto Gascok ondorengoa adierazi nahi izan zuen: “enpresa eta ikerketa-zentroek profesionalak ekartzea eta kontratatzea nahi dugu, sartutako zentroetan ikerketa- eta garapen-prozesuak zuzendu ditzaten”. Halaber, honako hau gehitu zuen: “kalitatezko enplegua eskaini behar da talentua modu eraginkorrean berreskuratu dadin eta komunitate osoa gehiago garatzen lagun dezan”.

 

Datuak eskuratzeko, Gipuzkoan helbideratutako ikasleei inkesta bidali zaie, UPV/EHUn ikasketak amaitu dituztenei 2010 eta 2014 urte artean; zehazki, 13.203 pertsonari bidali zaie, eta horietatik 2.350ek inkesta beteta itzuli dute. Era horretan, inkestaren bidez, ondorengo datuak eskuratu dira:

  • %9 atzerrian bizi da.
  • %7 Euskal Autonomia Erkidegotik kanpo bizi da.

 

Kontratua gutxienez urtebetekoa izango da, %100eko lanaldiarekin, eta lan-harremana gutxienez beste urte batekoa izateko konpromisoa hartuko da. Langileak gutxienez 40.000 €-ko soldata gordina izango du. Lan-eskaintzak Donostiako Sustapenaren web orrialdean argitaratuko dira.

  • %53 lanean ari da.
  • %25a bekarekin dago.
  • %13 ikasten ari da.
  • %8 enplegu bila dabil.

 

Txostenari erreparatuta, atzerrian lanean dagoen %72ak itzuli nahiko luke, eta itzultzea eragozten duten faktore nagusiak prestakuntzaren araberako lan-aukerarik ez izatearen ingurukoak dira. Atzerrian beka batekin ikasten ari direnen artean gehiengoak ere (%87) itzuli nahiko luke, eta ez dira itzultzen lan-aukerarik ez izateagatik eta etxebizitza eskuratzeko zailtasunengatik.

 

Tokiko Talentua Itzultzeko Planaren bitartez lanpostu kualifikatuak eskaintzea lortu da balio handiko enpresa eta ikerketa-zentroetan; hala nola, Polymat, Ceit edo Tecnun-en. Urte osoan zehar deialdia irekita egongo da era horretako kontratazioak egin nahi dituzten enpresentzat. Gainera, eskaerak jasotzen eta aztertzen jarraitzen dugu. Plana hirian talentua bultzatzeko estrategiaren barnean kokatzen da. Modu horretan, lan egiten da unibertsitateekin, ikastetxeekin, lanbide-zentroekin, e.a., eta bekak eta pizgarriak eskaintzen dira tokiko talentuari eusteko eta kanpoko talentua erakartzeko.

 

Tokiko Talentua Itzultzeko programan kontratua lortzeko ondorengo baldintzak bete behar dira:

  • 35 urtetik beherakoak izatea.
  • Unibertsitateko Goi Mailako titulazioa izatea, Diplomatura edo Lizentziatura, edo Goi Mailako Lanbide Heziketa.
  • Donostian jaio izatea edo hirian gutxienez bost urteko denboraldian erroldatuta egotea.
  • Titulazio ofiziala eskuratzea Donostiako fakultateren batean.
  • Atzerrian edo Euskal Autonomia Erkidegotik kanpo bizitzea 2015eko abenduaren 31n, eta, gutxienez, urtebeteko denboraldian etenik gabe.
  • EAEn lanik ez egin izana 2015ean edo 2016an.
  • Enpresak edo I+G+B agenteak eskatutako profilera egokitzea, proiektu berritzailearen garapenean parte hartzeko.

 

Kontratua gutxienez urtebetekoa izango da, %100eko lanaldiarekin, eta lan-harremana gutxienez beste urte batekoa izateko konpromisoa hartuko da. Langileak gutxienez 40.000 €-ko soldata gordina izango du. Lan-eskaintzak Donostiako Sustapenaren web orrialdean argitaratuko dira.

 

 

Laguntza hauek, Donostiarako Ekonomia Sustatzeko 2015rako Planaren baitan sartzen dira eta Europako Gizarte Funtsarekin %50ean batera finantzatuko dira, Euskadiko 2014-2020 aldirako Europako Gizarte Funtsaren Programa Eragilearen baitan, “Donostia Gazteekin: gazte langabe gaituen lan-munduratze egokitua hiriko azaleratzen ari diren sektoreetan eta sektore estrategikoetan” programarako.

donostia up logos pie

Laguntza ekonomikoak

ESKA EZAZU DIRU-LAGUNTZA ONLINE


LAGUNTZA EKONOMIKOAK


PROGRAMAK


ZERBITZUAK


BEKAK


PROGRAMA AIPAGARRIAK



Donostia-San Sebastián UP! 2019

9,5 milioi euroko aurrekontuarekin, Donostiako Alkateordetzak, Donostia UP! 2019 Planaren bitartez, Donostiako Sustapenak gauzatuta, berriro ere abian jarri ditu epe ertainera eta luzera aplikatu beharreko neurriak, giza kapitala, enpresen lehiakortasuna eta lurralde-kohesioa bezalako kontzeptuen inguruko estrategiaren zati bezala ...

GEHIAGO IRAKURRI

Azken berriak

errealitate-birtuala-duen-arkitektura-enpresa-batek-silicon-valley-rako-bidaia-irabazi-du-explorer-donostia-programaren-bidez
Unai Arejulak, Ion Vianezek eta Beñat Arejulak osatutako talde batek San... gehiago
donostia-gipuzkoa-film-commission-sarirako-deialdia-ireki-da-pelikulak-egiteko-erabilitako-hiriei-balioa-ematen-dien-filmentzat
Pelikula filmatua izan den lekuko balio urbanistikoak, naturalak, kulturalak eta... gehiago
epea-ireki-da-merkataritzan-eta-ostalaritzan-45-urtetik-gorako-pertsonak-kontratatzeko
Donostiako Udalak, Donostiako Sustapenaren bitartez, Ekonomia Bultzatzeko... gehiago
donostiako-gazteek-helmuga-hautatuko-dute-berriro-connecting-talent-2019-nazioarteko-mugikortasun-programan-parte-hartzeko
Donostiako Sustapenak epea ireki du 35 urtetik beherako pertsona interesatuek... gehiago

Azken ekitaldiak

erp-informazio-komertziala-kudeatzeko-aplikazio-bezala
Jardunaldia - 2019/06/26: Gure negozioa digitalizatzeko eta hobetzeko teoria ezagutzen dugu.... más
zer-egin-dezake-marketing-digitalak-nire-negozioarengatik
Jardunaldia - 26/06/2019: Eduki erabilgarriarekin bezeroak erakartzea salmentak... más
nekazaritza-asko-eta-teknologia-pixka-bat
2019/07/11 Villa Yeyette 09:30-13:30. Doitasun Nekazaritzaren Hastapenei buruzko Jardunaldia:... más
FacebookTwitterLinkedin