Donostiako Sustapenak 125.000 euro jarriko ditu hiriko erakusleihoak hobetzeko

Xehetasunak

Berriak

Osteguna, 2015 Urria 01

Hiriko saltokien irudi fisikoa hobetzeko egingo diren obren %50eko diru-laguntza emango du; besteak beste, fatxadak birgaitzea, erakusleihoak berritzea, eragozpen arkitektonikoak kentzea edo ikusten diren altzariak berritzea.

Donostiako Ekonomia Sustatzeko Planaren barruan merkataritza bultzatzeko sartutako estrategiaren esparruan, Donostiako Sustapenak lehen aldiz abian jarriko du hiriko saltokien kanpoko irudia hobetzeko plana. Aurrekontua 125.000 eurokoa izango da, eta eskatutako establezimendu bakoitzak egindako inbertsioaren %50a ordaindu nahi da horrekin gehienez. Saltokiak kalean bertan egongo dira, eta jarduera ekonomikoen gaineko zergan alta emanda egon behar dute. Helburua da sektorearen alderik agerikoena hobetzea jendeari begira.

Diru-laguntza lortu ahal izango da ondorengo epigraferen batean kokaturiko gastuentzat:

• Fatxadak konpontzea eta birgaitzea, saltoki komertzialaren erakusleihoari dagokion zatia.
• Erakusleihoak berritzea eta konpontzea.
• Pertsianak, errotuluak edo saltokiaren kanpoko irudian eragin positiboa izateko beste edozein elementu jartzea.
• Oztopo arkitektonikoak kentzeko edo lokalera sartzeko sarrera hobetzeko egindako berritze lanak.
• Salmenta-aretoaren irudia hobetzeko barruko errotulazio komertziala, betiere saltokiaren kanpoaldetik ikusten bada.
• Erakusleihoan produktuak aurkezteko erabilitako altzariak: panelak, beira-arasak, e.a.
• Erakusleihoko eta salmenta-aretoko argiteria, dekorazioa eta pintura.
• Erakusleiho birtualak.
• Lokal komertzialetako erakusleihoen irudia hobetzera zuzendutako beste edozein ekintza.

Laguntza ekonomikoa justifikatutako inbertsioaren %50a izango da gehienez ere (gehienez 1.000 € saltoki eta eskaera bakoitzeko). Inprimakiak Donostiako Sustapenean jaso daitezke, Erregina Erregentearen kalea, 8 behea, Victoria Eugenia Antzokiaren eraikina; halaber, helbidean jaitsi daitezke.

• Izena eman

Inprimakiak Donostiako Sustapenaren bulego berean (Victoria Eugenia eraikina) entregatu behar dira beteta. Eskaerak aurkezteko epea abenduaren 10ean amaituko da.

• Oinarriak
• Laburpen laburtua