logo ayuntamiento cabecera

Donostiako gazteek lan-aukerak ezagutzeko hitzordua dute asteazkenean, uztailaren 16an

 

Donostiako Sustapenak lan-aukeren inguruko DONOSTIA GAZTEEKIN jardunaldi irekia antolatu du Kursaalean; iaz, ia 300 gazte bildu ziren.

 

imagengazteekin

 

Donostiako Sustapenak 30 urtetik beherako gazteei, prestakuntza-profil berezia dutenei eta langabezian daudenei, zuzendutako jardunaldia antolatu du; hain zuzen ere, Kursaalean izango da, datorren uztailaren 16an. Bertan, hirian sortzen ari diren aukera ezberdinak eta horiek eskuratzeko bideak aurkeztuko dira, Donostiako Ekonomia Sustatzeko 2014ko Planaren esparruan.

 

Topaketaren helburu nagusia da Donostiako Sustapenak 30 urtetik beherako gazteei eskaintzen dizkien aukerak eta zerbitzuak jakitera ematea: enplegua bilatzeko eredu berriak, hautapen-prozesuari aurre egiteko gakoak, nazioarteko mugikortasun-programak, ekintzailetza beste aukera profesional baten moduan,… Sarrera librea da, baina www.fomentosansebastian.org helbidean aurrez izena ematea gomendatzen da.

 

DONOSTIA GAZTEEKIN 9:00etatik 14:15era bitarte egingo da Kursaaleko espazio ezberdinetan. Protagonismo berezia izango dute nazioartekotzeko bekek; izan ere, titulazioa eta ingeles-maila ona duten gazteek atzerrian zortzi hilabeteko denboraldian lan egiteko aukera izango dute ordainsari eta guzti.

 

Jardunaldian, honako eremu hauetan adituak diren pertsonak izango dira: Curriculumaren aurkezpen arrakastatsua (jarrera, gaitasuna, erremintak, aurrez prestatu beharreko alderdiak,…); ekintzailetza irteera profesional gisa (prestakuntza eta laguntza ekonomikoak); edo Talentu Berritzailea programaren eskaintzak, proiektu berritzaileak dituzten enpresek 30 urtetik beherako gazteak kontratatzeko, haien lehiakortasuna hobetze aldera.

 

Halaber, pertsona interesatuek beren eskaera aurkeztu ahal izango dute, iazko bekadunen esperientziak zuzenean ezagutzearekin batera; azken horiek diploma jasoko dute ekitaldian zehar.

 

Aurten, Donostiako Ekonomia Sustatzeko 2014ko Planean ia 7,5 milioi euroko zuzkidura eskaintzen da, eta egitura estrategikoan hiru ildo nagusi biltzen dira: ekintzailetza, lan-munduan sartzea eta lehiakortasuna hobetzea. 1.150 lanpostu berri sustatu nahi dira, lehendik dagoen enplegua finkatzen ahalegintzeaz gain.


Donostiako Ekonomia Sustatzeko 2014ko Plana egiterakoan, Donostiako Sustapenak bereziki kontuan izan ditu gazteak, besteak beste, proiektu kualifikatuak, nazioarteko mugikortasuna eta prestakuntza bultzatzera zuzendutako jarduera-ildoekin lotuta.

 

 

Laguntza ekonomikoak

ESKA EZAZU DIRU-LAGUNTZA ONLINE


LAGUNTZA EKONOMIKOAK


PROGRAMAK


ZERBITZUAK


BEKAK


PROGRAMA AIPAGARRIAK



Donostia-San Sebastián UP! 2019

9,5 milioi euroko aurrekontuarekin, Donostiako Alkateordetzak, Donostia UP! 2019 Planaren bitartez, Donostiako Sustapenak gauzatuta, berriro ere abian jarri ditu epe ertainera eta luzera aplikatu beharreko neurriak, giza kapitala, enpresen lehiakortasuna eta lurralde-kohesioa bezalako kontzeptuen inguruko estrategiaren zati bezala ...

GEHIAGO IRAKURRI

Azken berriak

donostiak-surf-hirien-munduko-sarearen-bileran-parte-hartu-du-brasilen
Donostia Surf City klusterreko ordezkariak eta bertako surf enpresak Brasilgo Santos... gehiago
donostiako-gabonetako-azoka-handia-berritasunez-gainezka-bueltatuko-da
Aurtengo Donostiako Gabonetako Azokak azaroaren 30ean irekiko ditu ateak. Ekonomia... gehiago
alemaniako-hainbat-ekoizpen-etxe-izan-dira-gipuzkoan-lurraldeak-filmatzeko-eskaintzen-dituen-aukerak-ezagutzen
Donostia-Gipuzkoa Film Commission erakundeak –Donostiako Udaleko Ekonomia... gehiago
replicate-proiektuak-florentzian-urteko-emaitzak-aurkeztu-ditu-europar-batzordearen-aurrean
Urriaren 28an, Donostia Sustapena (Ekonomia Bultzatzeko Zinegotzia) Florentziara... gehiago

Azken ekitaldiak

donostian-sustepenak-parte-hartu-zuen-bartzelonako-smart-city-expo-world-congress-en
FoDonostiako Sustapenak (Sustapen Ekonomikorako Zinegotzigoak) laugarren urtez jarraian parte hartu zuen... más
donostia-smart-klusterrak-viena-bisitatu-du-bertako-smart-estrategia-ezagutzeko
Sustapen Ekonomikorako Zinegotzigoak Donostia Sustapenaren bidez antolatutako misio komertzialak... más
blockchain-praktikan-nola-aplikatu-gure-enpresetan
Donostiako Sustapeneko Smart Klusterrak antolatutako jardunaldia, Blockchainek Smart aplikazio eta... más
FacebookTwitterLinkedin