logo ayuntamiento cabecera

Connecting Talent egonaldien programa

PROGRAMAREN HELBURUA

Programa honi esker, EAEtik kanpo dauden profesionalek Donostian egonaldia egiteko aukera izango dute, ekintzailetza-aukerak bilatzeko, ezagutzan eta berrikuntzan oinarritutako proiektu eta negozio berrien bitartez. Halaber, kanpoko ekintzaileentzat lekualdaketa, ostatua eta diru-ekarpena errazten ditu. Era berean, prestakuntza handiko profesionalak erakarri nahi dituzten tokiko berrikuntzako ekosistemako erakundeei laguntza eskaintzen die.

 

Norentzat da Connecting Talent Egonaldiak Programa?

1) Donostian kokatutako I+G+b enpresa bazara eta EAEtik kanpoko prestakuntza handiko profesionalak lortu nahi badituzu, kontratazio aurreko gastuetarako laguntza ematen dizugu.

Zehatz-mehatz:

  • Bidaia-gastuen baterako finantzaketa: %50era bitarte eta gehienez 500 €.
  • Hilean 750 €-ra bitarteko laguntza, erakartzeko gastuak ordaintzeko.
  • Ekarri nahi den pertsonarentzako ostatua Donostian, emandako egonaldirako.

 

2) EAEtik kanpo bizi bazara eta Donostian enpresa-proiektu berritzailea abian jarri nahi baduzu, gure hirian aurretiko egonaldiaren gastuak ordaintzen lagunduko dizugu.

Zehatz-mehatz:

  • Bidaia-gastuen baterako finantzaketa: %50era bitarte eta gehienez 500 €.
  • Hilean 750 €-ra bitarteko dieta.
  • Donostian egonaldia, emandako egonaldirako.
  • Donostian lanerako espazioa egonaldian zehar.
  • Aholkularitza eta laguntza aditua.

 

3) EAEtik kanpo bizi bazara eta Donostiaren posizionamendua ezagutzaren eta berrikuntzaren nodo bezala sustatzen duen proiektua, azterketa edo jarduera gauzatu nahi baduzu, ekonomikoki lagunduko dizugu.

Zehatz-mehatz:

  • Bidaia-gastuen baterako finantzaketa: %50era bitarte eta gehienez 500 €.
  • Hilean 750 €-ra bitarteko dieta.
  • Donostian egonaldia, emandako egonaldirako.
  • Donostian lanerako espazioa egonaldian zehar.
  • Aholkularitza eta laguntza aditua.

 

Talentua erakartzeko Egonaldien programa abian jartzeko, Donostiako Sustapenak 100.000 euroko hasierako partida bat jarriko du, 15 egun eta bi hilabete arteko egonaldiak estaltzeko.

 

Eskaerak eta aurkeztu beharreko dokumentzaioa

Eskaerak aurkezteko epea oinarri hauek, laguntza honetarako baliabide ekonomikoak agortzean, edo nolanahi ere, deialdi hau ixteanbukatuko da, alegia; 2018ko azaroaren 30ean.

 

Eskaerak telematikoki egingo dira Donostia Sustapeneko web orriaren bidez (www.fomentosansebastian.eus) bertan ezarritako eskakizunen arabera.

 

Edozein informaziorako edo kontsultarako, E-mail hau spam roboten kontra babestuta dago. JavaScript aktibatuta izatea behar duzu hau ikusteko. posta elektronikoa eskuragarri dago, honako erreferentzia adieraziz: Egonaldien Programa.

 

Programa honetan parte hartu nahi dutenek, eskaera baloratzeko, oinarrien 7. artikuluan adierazitako dokumentazioa aurkeztu beharko dute, besteak beste, deskripzio memoria bat, programa honen esparruan garatu beharreko jarduera, justifikazioa eta egonaldiaren iraupena adieraziz.

 

Laguntzaren behin behineko onarpena jaso ondoren, hura behin betiko onartzeko, eta gehienez hilabeteko epean, behin behineko onarpen datatik, oinarrietako 7. artikuluan era berean adierazitako dokumentazioa aurkeztu beharko da.

 

Garrantzitsua da epeak betetzean, hala ez bada egiteko, laguntza atzera bota dela ulertuko baita.