Donostiak agerian utzi du berrikuntzaren alde egiten duen apustua WeekINN Astearen bitartez

resumen-0

 

Ekonomia Bultzatzeko Zinegotzigoak Donostiako Sustapenaren bitartez antolatutako WeekINN-Donostiako Berrikuntzaren Astearen laugarren edizioa atzo amaitu zen, eta, bertan, begien bistan geratu da hiriak berrikuntza-mailan egiten duen apustua; izan ere, 200 ordutik gorako jarduera burutu da hirian zehar banatutako 37 kokapenetan, 70 erakundetik gora murgildu dira, eta 3.600 lagun baino gehiagok parte hartu dute; beraz, herritarrengana eta, bereziki, ikasle eta unibertsitarioengana gehiago iristeko ezarritako helburua bete egin da. Berrikuntza Astearen kualitate-jauzia argi geratu da honako jarduera eta formatu berri hauen arrakastarekin: TechTalks-en lehen edizioa, elkarrizketa irekiak teknologiaren inpaktuaren inguruan eremu ezberdinetan; Dabadaba bezalako egoitza berriak zabaltzea edo sartzea; Donostia Innovation Leagueren lehen edizioa egitea ikasleentzat; edo APP bat ezartzea programazio osoaren informazioa eskaintzeaz gain, erregistroetara, albisteetara eta abarretara sartzeko aukera eta guzti. Gainera, Boulevarden jarritako karpari esker, herritarrengana teknologia gerturatu ahal izan da, robotika-jolasen bitartez, bereziki txikienak kontuan hartuta. Ernesto Gasco alkateordeak ondorengoa adierazi nahi izan zuen: “berrikuntza ikerketa-zentro espezializatuetara mugatuta ez dagoela erakutsi dugu, baizik eta hiriko eguneroko bizitzan dagoela. WeekINN honetan, berrikuntzarekin zerikusia duten jarduerak garatu dira honako hauek bezalako eremu hain ezberdinetan: hezkuntza, moda, nekazaritzako elikagaien sektorea, merkataritza edo ostalaritza, eta, jakina, enpresa, ekintzailetza eta ikerketa-zentroak”.

 

Berrikuntza Astearen aurtengo gaia, Connecting Talent, Pertsonen bidez berritzeko konektatzea, jarduera-programa egituratzeko erabili diren hiru bloketan bildu da: hezkuntza, enpresa eta nazioarteko konexioa. Lehen jardunaldian, gazteak eta haien talentua protagonistak izan ziren Kursaalean goitik behera jendez betetako saioan; bertan, “branding”-ean aditua den Andy Stalman-ek hartu zuen parte. Espazio praktikoa, motibaziokoa eta giltzarriak ematekoa izan zen; tailer oso praktikoak zuzendu zitzaizkien etorkizuneko garapen profesionala eta pertsonala aurrean duten gazteei.  

 

resumen-2

 

Donostia WeekINN-en bigarren jardunaldia nazioarteko lankidetzan oinarritu zen; era horretan, Europako Birmingham, Erroma, Lisboa, e.a. bezalako hirietatik hiria bisitatzera etorri ziren tokiko ekosistema hobeto ezagutzearren eta berrikuntza bultzatzerakoan dituzten esperientzien berri ematearren. Halaber, berrikuntzaren garapena eta sektore ezberdinak bultzatzeko teknologia berrien erabilera Techtalks izeneko saioaren helburu izan ziren. 

 

Asteazkenean, berriz, hiriko bost ikastetxetako neska-mutilak Osoko Bilkurako aretoan bildu ziren, eta Urumea ibairako proposamen berritzaileak aurkeztu zituzten  Donostia Innovation League ekimenaren finalean; ekimen berri horren lehen edizioan 600 ikasle baino gehiagok hartu dute parte. Horrez gain, Talent Housen bildu ziren egun hirian lanean ari diren atzerriko profesionalak, gure hiriak erakartzeko dituen gakoez eta garatu beharreko programez hausnartze aldera. 

 

Ostegunean, DonostiaINN sarien bigarren edizioko sariak banatu zitzaizkien IKOR eta Countercraft enpresei, enpresa finkatuaren kategorian eta enpresa gaztearen kategorian, hurrenez hurren, eta horrekin amaiera bikaina eman zitzaion Donostian lehen aldiz burututako 'Topagunea Enpresa Estrategia' topaketari. Bertan izan zen Talentuaren politiketan ikerlari aditua den Emilio Castilla, Massachusetts Institute of Technology-koa (Sloan School of Management). 

 

resumen-3

 

Azken egunean, diseinuari eskainitako jardunaldia egin zen Miramar Jauregian, berritzeko funtsezko diziplina eta eskumena bezala, eta, bertan, gune horretan kokatuko den etorkizuneko Diseinu Eskolaren kontzeptuen eta ildoen berri eman zuten. Eskolaren xedea da plataforma bat sortzea gure berrikuntzaren ekosistema garatzea bultzatzeko diseinuaren bitartez; horrela, prestakuntza, jarduerak, e.a. eskainiko lirateke. Halaber, hiria nazioartean hedatzea izango du helburu.

 

Berrikuntzaren Astearen bost egunetan zehar, Berrikuntza Gerturatuz zikloa burutu da, eta 30 bat zentro teknologikok, enpresak eta ekintzailek jarduerak eskaini dizkie gazteei eta ikastetxe ezberdinetako ikasleei; hala nola, ate irekien bisitak, laborategietan esperimentatzeko saioak, ikerlarien dibulgazio-hitzaldiak, proiektu berritzaileei buruzko lekukotzak edo ekintzailetza sozialeko tailerrak. Jarduera horretan, hiriko ikastetxe eta prestakuntza-zentro ezberdinetako 1.400 ikasle inguruk hartu dute parte. 

 

resumen-4

 

Boulevarden kokatutako karpa WeekINN Astearen ate irekien espazioa izan da. Bertan, familientzako robotika-arloko tailer ospetsuak egin dira, erakusketa teknologikoa antolatu da enpresa eta zentro teknologikoekin elkarlanean eta tokiko ekintzaileek proiektu berritzaileak erakutsi dituzte; azken horiek interes izugarria piztu dute donostiarrengan.

 

Aurten, WeekINN Asteak tresna berriak izan ditu; hala nola, ekitaldiaren inguruko APP bat programazio zabala kontsultatu ahal izateko edo erregistratzeko, hitzaldi eta jarduera ezberdinen irudikapen grafikoa denbora errealean marrazkien bitartez, landutako kontzeptu ezberdinak biltzeko edo eguneroko bloga Donostiako Sustapenaren web orrialdean.

 

resumen-5

 

Berrikuntzaren Asteak, laugarren edizio honetan, jarduera oso ezberdinak ere garatu ditu; esate baterako, enpresan euskara bultzatzearekin zerikusia dutenak, start up-etan inbertitzea, Egia auzoaren garapena edo open data aplikatzea enpresan. Bestalde, espazioei esker, Astea hiri osoan zehar banatu ahal izan da: batetik, Kursaal, Keler aretoa, Maria Cristina Hotela edo Talent House bezalako espazio finkatuak izan ditugu, eta, bestetik, Dabadaba, Gu edo Udaletxeko Osoko Bilkurako aretoa bezalako eskenatoki berriak, hiriko zentro eta enpresetako beste egoitza askorekin batera.

 

Orain, gutxiago geratzen da DonostiaWeekINN Berrikuntza Astearen bosgarren edizioa prestatzen hasteko; hots, hirian erreferentea den ekimena, Donostiako berrikuntzaren eta talentuaren aldeko apustua erakusteko eta lankidetza indartzeko. 

 

logo-instituciones

 

Hauek dira 2017ko WeekINN ekimenaren laguntzaileak

AEG, AFM, ALTZAKO BHI, ANGULAS AGUINAGA, ANTIGUA-LUBERRI BHI, ASOCIACIÓN DE EMPRESARIOS DE HOSTELERÍA DE GIPUZKOA, AXULAR LIZEOA, BANCO SABADELL, BARRABES.BIZ, BIODONOSTIA, BIRMINGHAM CITY COUNCIL, BIRMINGHAM CITY UNIVERSITY, CANARD DRONES, CATO BRANDS PARTNERS, CDTI, CEIT-IK4, CENTRO COMERCIAL GARBER, Ci BSC, BUSINESS SUPPORT CENTRE LTD., CIC BIOMAGUNE, CIC NANOGUNE, CITY OF ZAGREB, COUNTERCRAFT, DABADABA, DO PLAY, EDUMOTION-Javier Miguel Garay, EIDE, EKILOR, ENISA, ENRIQUE RODAL, ESTRATEGIA EMPRESARIAL, EUSKARA BILDUA, FARSENS, FEDERACIÓN MERCANTIL DE GIPUZKOA, FORO KEIRETSU EUSKADI, FORO TECH DEUSTO, GRAPHENEA, HARVARD KENNEDY SCHOOL, HISPAVISTA, HOTEL AMARA PLAZA, HOTEL MARIA CRISTINA, IAMETZA INTERAKTIBOA, IED MADRID, IKOR, IKUSI, ILINE MICROSYSTEM, INTIA, IURISMÁTICA, JESUITAK DONOSTIA, KENDU, LAUAIZETA BHI, LAZIO REGION, LIKUID NANOTEK, LINKEDINBRANDING, LISBON CITY COUNCIL, LURRARTE, MENTORES EN REFLEXIÓN EMPRESARIAL, MIT- INSTITUTO TECNOLÓGICO DE MASSACHUSETTS, MUNICIPALITY OF THE CITY OS THE SLOVAK REPUBLIC, NESPLORA, POLYMAT, REAL SOCIEDAD, RED.ES, RESTAURANTE ARIMA, SALA KELER, SAN SEBASTIAN SHOPS, SANTA TERESA IKASTETXEA, SANTO TOMAS LIZEOA, SAVVY SYSTEMS, SAYMA, SELCOACHING 360, SERIKAT, SINNPLE, SLOW FOOD, ST. PATRICK’S SCHOOL, SUMMA ALDAPETA, TECNALIA, TECNUN, TIM SMITHERS, UNIVERSIDAD DE BARCELONA, UNIVERSIDAD DE DEUSTO, UNIVERSIDAD DEL PAIS VASCO, USANDIZAGA-PEÑAFLORID AMARA BHI, VICOMTECH-IK, VILNIUS CITY MUNICIPALGOVERNMENT ADMINISTRATIO, ZABALA INNOVATION CONSULTING, ELKARGI, DAITEKE.

Week INN resumen de las jornadas


URRIAREN 23an Astehelena - Ikusi egunak



URRIAREN 24an Asteartea - Ikusi egunak



URRIAREN 25an Azteazkena - Ikusi egunak



URRIAREN 26an Osteguna - Ikusi egunak



URRIAREN 27an Ostirala - Ikusi egunak



WEEK INN Aurreko edizioak