Suhiltzaileek eraikinetan zein kanpoaldean duten posizionamendua hobetzeko europar proiektu baten buru da CEIT-IK4

 

Europar proiektuaren izena AIOSAT - Autonomous Indoor Outdoor Safety Tracking System da. Zentro teknologiko gipuzkoarrarekin batera, proiektuan parte hartzen dute eskola militar batek, komunikazioetan espezializatutako ingeniaritza-enpresa sevillar batek, suaren trebakuntza-zentro batek eta Herbehereetako eta Belgikako ikerketa-zentro batzuek

 

Suteak itzaltzeko lanetan, sateliteetan oinarritutako posizionamendua erabiltzen da, eta, askotan, arazoak sortzen dira GPSarekin, tokian dagoen gehiegizko keagatik, basoen trinkotasunagatik, lur- eremu irregularrak izateagatik edota erretzen ari diren eraikinetan ez aurkitzeagatik.

 

Egoera horien ondorioz jarri da martxan AIOSAT (Autonomous Indoor Outdoor Safety Tracking System) europar proiektua, zeinaren helburua baita erreskateetan GPSak dituen mugak gainditzea, posizionamendu-sistema aurreratu baten bidez: suari aurre egiteko lanetan fidagarritasuna eta emaitzak hobetzeko segimendurako eta alertarako aplikazio bat..

 

Proiektuaren lehenengo abiarazte-saioa abenduaren 11n izan zen; 30 hilabeteko iraupena izango du proiektuak, eta bi milioi euroko aurrekontua, gutxi gorabehera. Ceit-IK4 erakundeaz gainera, suteei aurre egiteko teknologiekin lotutako ikerketa-gaietan esperientzia zabala duten lehen mailako erakundeek ere hartzen dute parte: unibertsitate-mailako akademia militar batek eta Enpresa txiki eta ertain bik, azpisistema- eta software-integratzaile gisa eta zerbitzu-hornitzaile gisa, proiektuaren emaitzak ustiatzeko helburuarekin.

 

Berriak gehiago

Donostia Sustapenak Bartzelonako Smart City Expo World Congress batzarrean hartu zuen parte eta Donostia Smart estrategia eta proiektuak aurkeztu zituen

Donostia Sustapenak (Ekonomia Sustapeneko Zinegotzigoa), segidako hirugarren urtez, Bartzelonako Smart City Expo World Congress batzarrean hartu du parte, lighthouse proiektu eta Europako erakundeekin baterako stand batean, Replicate, SmartKalea eta OptEEmal proiektuak aurkeztu zituen, eta baita Donostia/San Sebastián hiriko Smart estrategia ere ...

Donostiako gazteek hiriaren etorkizuna imajinatu dute

Donostiako haurrak hiriaren etorkizuna dira, eta haiek auzoak eta kaleak ikusteko duten modua oso kontuan hartu beharrekoa da. Donostia WeekINN Asteak etorkizuna sormenarekin, erantzukizunarekin eta optimismoarekin imajinatzera bultzatu ditu gazteenak. Moda-munduaren etorkizuna, espazioen eta gastronomiaren arteko harremana eta hiriko merkataritzarekin loturiko proiektu berritzaileenak ere protagonistak izan dira Berrikuntza Astearen azken egunean; Astea inoiz baino nazioartekoagoa izan da. ...

WeekINN ekimenak asterik nazioartekoenari amaiera eman dio

Donostiako WeekINN Berrikuntza Astearen bosgarren edizioa izan da aurtengoa, Alkateordetzak antolatuta Donostiako Sustapenaren bitartez, eta atzo amaitu zen. Bertan, nazioartekotzearen aldeko apustua jorratu da, eta antolatutako jarduera ezberdinetan Boston, Oslo, Helsinki, Vilnius, Utrech edo Bristol bezalako hiriek hartu dute parte. Edizio honetan 5.000 pertsonak hartu dute parte, Donostian nahiz parte hartu duten hirietan antolatutako jarduera ezberdinetan, eta horietatik mila bat gazteak izan dira ...

Donostiako berrikuntzaren orainaldia eta etorkizuna

Ibermática eta Graphenea sarituk izan dira DonostiaINN sarien hirugarren edizioan, berrikuntzaren alde egindako apustuarengatik. Etorkizuneko berritzaileek, neska-mutil donostiarrek ere gogoetarako euren gunea izan dute. Berrikuntza femeninoan, gobernu irekien zeregina, nekazaritzarako elikagaien sektoreari aplikatutako teknologia, diseinu munduaren joerak edo 'influencers' fenomenoa Instagram sarean izan dira ostegun honetan Donostia WeekINN jarduerari itxura eman dioten beste gai batzuk izan dira.

Donostian talentua erakartzeko eta talentuari eusteko gakoak

Hiriak pertsonei esker hazten dira. Gizarte batean zenbat eta talentu gehiago agertu, orduan eta garapen-aukera gehiago aurkezten dira. Donostia WeekINN Asteko jardunaldi honen giltzarrietariko bat talentua erakartzea eta talentuari eustea izan da, enpresei hazteko eskaintzen zaizkien tokiko eta nazioarteko finantza-programak alde batera utzi gabe. Ekonomia zirkularrak, energia berriztagarriak, 3D inprimaketa edo gastronomia-arloko berrikuntza jorratu dira berrikuntzaren astearen erdiko jardueretan.

Giza gaitasunen eta teknologia berrien arteko bizikidetza etorkizuneko lan-merkatuan

Donostia WeekINN Asteko bigarren jardunaldian, etorkizuneko lan-merkatuaren erronkak jorratu dira, adimen artifiziala eta robotika bezalako teknologiak ustekabean sartuko baitira. Kirolean balioek duten garrantzia, talentua eta generazio-aldaketa edo merkataritzan aplikaturiko teknologia berriak ere landu dira astearte honetan. ...

FacebookTwitterLinkedin