Munduko ikerlari aipatuenen zerrendan sartu da Javier Aizpurua

Clarivate analytics ek landutako zerrendak Materialen Fisika Zentroko zuzendaria nabarmentzen du mundu mailako ikerlari aipatuenetakoen artean Javier Aizpurua, CFM-Materialen Fisika Zentroko zuzendaria (UPV/EHU-CSIC) eta CFM eta Donostia International Physics Centerreko (DIPC) Nanofotonikako teoria taldeko burua, ikerlari aipatuenen artean azaltzen da Clarivate Analytics ek argitaratu berri duen zerrenda ofizialean.

 

Clarivate Analytics, mundu mailako zientzia aldizkarien analisi eta bildumarako tresna aitzindariak, duela gutxi argitaratu du zerrenda ospetsu hau. Ikerlari baten ibilbide zientifikoa baloratzean, ezinbestekoa da jakitea, argitalpen-kopuruaz eta haien kalitateaz gainera, zer garrantzi izan duten eta norainokoak izan diren ikertzailearen ekarpenak. Ikertzailearen lanak komunitate zientifikoan izan duen inpaktua neurtu behar da, alegia, beste ikerketa batzuen inspirazio edo erreferente izan den. Hala, zerrenda ofizial eta nazioarteko honetan azaltzea ohore bat izateaz gainera, ikerketaren mailaren bikaintasunaren adierazgarri da, zalantzarik gabe.

 

Mundu osoko 3.300 ikerlarik osatzen dute zerrenda, 21 ikerketa-arlotan banatuta. Haien artean, berrogeita hamar batek egiten dute lan Espainian. Aizpuruaren ikerketak argiaren eta nanomaterialen arteko interakzioa du aztergai. Azkeneko hamar urteetan, 15.000 alditan aipatu izan dira haren artikuluak, eta 17 argitalpen goraipatu dituzte onenen artean. Javier Aizpurua lehenengo aldiz sartu da zerrendan, eta, biomaGUNE ikerketa zentroko Luis Liz-Marzánekin batera, biak dira zerrenda honetan Euskal Herrian lanean diharduten ikerlari bakarrak.

 

Duela bi hamarkada baino gehiagoz, zientzia-esparruan urtean argitaratzen diren 2.000.000 artikuluren bilduma-lanak egin ditu Web of Sciencek (zientzia arloko datu-basea). Clarivate analyticsek dat- base horretatik ateratzen ditu zerrenda osatzeko behar dituen ikerlarien emaitzak.

 

Javier Aizpurua pozik eta hunkituta dago aintzatespen honengatik; bere ikerketa-talde eta kolaboratzaileen lan sendoaren ondorioa dela adierazi du, eta CFM eta DIPCren bikaintasunaren eta izaera nazioartekoaren adierazgarri dela nabarmentzen du.

 

Berriak gehiago

Donostia Sustapenak Bartzelonako Smart City Expo World Congress batzarrean hartu zuen parte eta Donostia Smart estrategia eta proiektuak aurkeztu zituen

Donostia Sustapenak (Ekonomia Sustapeneko Zinegotzigoa), segidako hirugarren urtez, Bartzelonako Smart City Expo World Congress batzarrean hartu du parte, lighthouse proiektu eta Europako erakundeekin baterako stand batean, Replicate, SmartKalea eta OptEEmal proiektuak aurkeztu zituen, eta baita Donostia/San Sebastián hiriko Smart estrategia ere ...

Donostiako gazteek hiriaren etorkizuna imajinatu dute

Donostiako haurrak hiriaren etorkizuna dira, eta haiek auzoak eta kaleak ikusteko duten modua oso kontuan hartu beharrekoa da. Donostia WeekINN Asteak etorkizuna sormenarekin, erantzukizunarekin eta optimismoarekin imajinatzera bultzatu ditu gazteenak. Moda-munduaren etorkizuna, espazioen eta gastronomiaren arteko harremana eta hiriko merkataritzarekin loturiko proiektu berritzaileenak ere protagonistak izan dira Berrikuntza Astearen azken egunean; Astea inoiz baino nazioartekoagoa izan da. ...

WeekINN ekimenak asterik nazioartekoenari amaiera eman dio

Donostiako WeekINN Berrikuntza Astearen bosgarren edizioa izan da aurtengoa, Alkateordetzak antolatuta Donostiako Sustapenaren bitartez, eta atzo amaitu zen. Bertan, nazioartekotzearen aldeko apustua jorratu da, eta antolatutako jarduera ezberdinetan Boston, Oslo, Helsinki, Vilnius, Utrech edo Bristol bezalako hiriek hartu dute parte. Edizio honetan 5.000 pertsonak hartu dute parte, Donostian nahiz parte hartu duten hirietan antolatutako jarduera ezberdinetan, eta horietatik mila bat gazteak izan dira ...

Donostiako berrikuntzaren orainaldia eta etorkizuna

Ibermática eta Graphenea sarituk izan dira DonostiaINN sarien hirugarren edizioan, berrikuntzaren alde egindako apustuarengatik. Etorkizuneko berritzaileek, neska-mutil donostiarrek ere gogoetarako euren gunea izan dute. Berrikuntza femeninoan, gobernu irekien zeregina, nekazaritzarako elikagaien sektoreari aplikatutako teknologia, diseinu munduaren joerak edo 'influencers' fenomenoa Instagram sarean izan dira ostegun honetan Donostia WeekINN jarduerari itxura eman dioten beste gai batzuk izan dira.

Donostian talentua erakartzeko eta talentuari eusteko gakoak

Hiriak pertsonei esker hazten dira. Gizarte batean zenbat eta talentu gehiago agertu, orduan eta garapen-aukera gehiago aurkezten dira. Donostia WeekINN Asteko jardunaldi honen giltzarrietariko bat talentua erakartzea eta talentuari eustea izan da, enpresei hazteko eskaintzen zaizkien tokiko eta nazioarteko finantza-programak alde batera utzi gabe. Ekonomia zirkularrak, energia berriztagarriak, 3D inprimaketa edo gastronomia-arloko berrikuntza jorratu dira berrikuntzaren astearen erdiko jardueretan.

Giza gaitasunen eta teknologia berrien arteko bizikidetza etorkizuneko lan-merkatuan

Donostia WeekINN Asteko bigarren jardunaldian, etorkizuneko lan-merkatuaren erronkak jorratu dira, adimen artifiziala eta robotika bezalako teknologiak ustekabean sartuko baitira. Kirolean balioek duten garrantzia, talentua eta generazio-aldaketa edo merkataritzan aplikaturiko teknologia berriak ere landu dira astearte honetan. ...

FacebookTwitterLinkedin